Дар арафаи Соли нави мелодӣ дар Хоруғ ярмаркаи маҳсулоти кишоварзӣ бо нархи дастрас ташкил шуд
ДУШАНБЕ, 29.12.2022 /АМИТ «Ховар»/. Дар партави дастуру ҳидоятҳои Президенти кишвар муҳтарам Эмомалӣ Раҳмон бобати таъмини аҳолӣ бо маҳсулоти мавриди ниёзи аввал дар маркази Вилояти Мухтори Кӯҳистони Бадахшон — шаҳри Хоруғ бахшида ба Соли нави мелодӣ ярмарка-фурӯши маҳсулоти кишоварзӣ баргузор гардид. Дар ин бора АМИТ «Ховар» бо истинод ба Мақомоти иҷроияи ҳокимияти давлатии шаҳри Хоруғ хабар медиҳад.
Дар ярмарка маҳсулоти кишоварзӣ, аз қабили гӯшт, картошка, сабзӣ, карам, пиёз, биринҷ, макарон бо нархҳои нисбатан арзон ба фурӯш гузошта шудаанд.
Ярмарка — фурӯши маҳсулоти кишоварзӣ бо ибтикори Мақомоти иҷроияи ҳокимияти давлатии ВМКБ, шаҳру ноҳияҳои вилоят ва намояндагии Агентии захираҳои моддии давлатии назди Президенти Ҷумҳурии Тоҷикистон дар ВМКБ доир шуда, дар он аз тарафи кишоварзони ноҳияҳои вилоят маводи ғизоӣ бо нархҳои нисбатан арзон пешниҳоди аҳолӣ гардонида шудаанд.
Раиси вилоят Алишер Мирзонабот ба сарварони хоҷагиҳои деҳқонии ҳудуди вилоят барои дастрас намудани маҳсулоти кишоварзии хушсифат ва нисбатан арзон изҳори сипос намуда, ҷиҳати таъмини мунтазами фаровонии бозор ба масъулин супориш дод.
Раиси шаҳри Хоруғ Ризо Назарзода иброз дошт, ки таъмини сокинони шаҳр бо маҳсулоти кишоварзӣ дар арафаи Соли нави мелодӣ туҳфаи арзишманд маҳсуб мешавад.
АКС: Рӯзномаи «Нигини Хоруғ»
Имрӯз дар Кумитаи забон ва истилоҳот, Кумита оид ба таҳсилоти ибтидоӣ ва миёнаи касбӣ, Маркази миллии тестӣ ва Муассисаи давлатии «Тоҷикфилм» нишасти матбуотӣ баргузор мегардад
Алоқаи боэътимод — дар ҳар гуна боду ҳаво
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва корхонаи «Тоҷиксуғурта» нишасти матбуотӣ баргузор мегардад
Дар Конибодом бо усули «Мактаб ба мактаб» бо хонандагону волидайн вохӯриҳо баргузор мегарданд
Сокинони ноҳияи Рашт дар ҷашни Сада омодагиашонро ба корҳои кишоварзӣ изҳор доштанд
Имрӯз дар баъзе ноҳияҳои Тоҷикистон туман мефарояд
НИШАСТИ МАТБУОТӢ. Соли 2024 забҳи 586 сар чорвои мубталои бемории буғумдард пешгирӣ карда шуд
Ҷашни Сада дар шаҳри Ҳисор бо намоиши дастовардҳои кишоварзон пуршукуҳ таҷлил гардид
Кишоварзони фаъоли ноҳияи Зафаробод дар иди Сада кадрдонӣ гардиданд
