Дар Душанбе лоиҳаи «Баланд бардоштани иқтидори ҷавонон барои Тоҷикистони осоишта» муҳокима шуд
ДУШАНБЕ, 14.12.2022. /АМИТ «Ховар»/. Дар шаҳри Душанбе ҷаласаи ниҳоии Кумитаи роҳбарикунандаи лоиҳаи «Баланд бардоштани иқтидори ҷавонон барои Тоҷикистони осоишта» баргузор гардид. Дар ин бора ба АМИТ «Ховар» сардори шуъбаи муносибатҳои байналмилалии Кумитаи кор бо ҷавонон ва варзиши назди Ҳукумати Ҷумҳурии Тоҷикистон Шоҳхусрав Аюбзод хабар дод.
Мақсади ҷаласа- ин натиҷагирӣ аз раванди татбиқи лоиҳа, шунидани ҳисоботи ташкилоте, ки зимни татбиқи он саҳм доштанд ва муҳокимаи таъмини рушди минбаъдаи натиҷаҳои ноилгардида мебошад.
Дар ҷаласа Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода ва роҳбари Намояндагии доимии СММ дар Тоҷикистон хонум Сезин Синаноглу, иҷрокунандаи вазифаи намояндаи доимии Барномаи рушди СММ дар Тоҷикистон Гиорги Вардишвили, намояндагони доимии Хазинаи кӯдакони СММ дар Тоҷикистон Осама Маккавӣ ва дигар ташкилоте, ки дар татбиқи лоиҳаи мазкур саҳм доштанд, ширкат варзиданд.
Лоиҳаи мазкур аз ҷониби Барномаи рушди Созмони Милали Муттаҳид дар Тоҷикистон дар якҷоягӣ бо ЮНИСЕФ, СММ-Занон дар шаҳру ноҳияҳои Кӯлоб, Исфара, Хоруғ, Балҷувон ва Шаҳринав татбиқ гардида, Кумитаи кор бо ҷавонон ва варзиш ҳамчун шарики асосӣ дар татбиқи он интихоб шуда буд.
Дар доираи лоиҳаи «Баланд бардоштани иқтидори ҷавонон барои Тоҷикистони осоишта» 2 озмоишгоҳи инноватсионӣ, 3 гӯшаи эҷодӣ ва 7 утоқи волонтёрӣ дар шаҳру ноҳияҳои Ҷаббор Расулов, Бохтар, Кӯлоб, Балҷувон, Рӯдакӣ, Шаҳринав ва Ваҳдат таъмир ва муҷаҳҳаз гардонида шуданд.
Татбиқи лоиҳаи «Баланд бардоштани иқтидори ҷавонон барои Тоҷикистони осоишта»- ин таҷрибаи хуби ҳамкории Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва намояндагиҳои СММ дар Тоҷикистон мебошад, ки метавон ин таҷрибаро дар оянда рушд дод.
АКС: Кумитаи кор бо ҷавонон ва варзиши назди Ҳукумати ҶТ
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
