Дар Душанбе татбиқи лоиҳаҳои Барномаи рушди СММ дар Тоҷикистон баррасӣ гардид
ДУШАНБЕ, 21.12.2022 /АМИТ «Ховар»/. 20 декабр Вазири корҳои хориҷии Ҷумҳурии Тоҷикистон Сироҷиддин Муҳриддин роҳбари Дафтари БРСММ дар Тоҷикистон Ленни Монтиелро ба ҳузур пазируфт. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Аснои мулоқот ҳолати кунунӣ ва дурнамои рушди ҳамкории судманди Тоҷикистон ва Барномаи рушди СММ мавриди баррасӣ қарор гирифта, мавзуоти марбут ба лоиҳаҳои дар Тоҷикистон татбиқшаванда матраҳ шуданд.
Тавре қаблан АМИТ «Ховар» хабар дод, 24 сентябри соли 2022 Вазири корҳои хориҷии Ҷумҳурии Тоҷикистон Сироҷиддин Муҳриддин дар ҳошияи «Ҳафтаи сатҳи баланд»-и иҷлосияи 77-уми Маҷмаи Умумии СММ дар шаҳри Ню-Йорк бо маъмури Барномаи рушди Созмони Милали Муттаҳид (БРСММ) Ахим Штайнер мулоқот намуд.
Зимни мулоқот ҷонибҳо масъалаҳои густариши ҳамкории дуҷонибаи Тоҷикистон ва Барномаи рушди СММ ва татбиқи лоиҳаҳои муштараки ин ниҳоди СММ дар кишварро тибқи Санади барномаҳои кишварӣ барои солҳои 2023-2026, ки чанде пеш аз ҷониби Шӯрои иҷроияи БРСММ тасдиқ гардид, мавриди баррасӣ қарор доданд.
Мусоҳибон инчунин атрофи ташаббусҳои ҷаҳонии Тоҷикистон дар самти пешбурди рӯзномаи ҷаҳонии об, Конфронси оби СММ-2023 ва конфронси дарпешбудаи муқовимат бо терроризм дар Душанбе мубодилаи афкор карданд.
А. Штайнер аз сатҳи ҳамкорӣ изҳори қаноатмандӣ намуда, ҷиҳати пешбурди авлавияти Тоҷикистон дар самти рушди устувори иқтисодиву иҷтимоӣ омодагии ниҳоди зерсохторашро изҳор кард.
Акс: ВКХ ҶТ
Дар Душанбе Конфронси байналмилалӣ дар мавзуи «Осиёи Марказӣ – меҳвари СҲШ: фазои сулҳ ва рушди муштарак» баргузор шуд
Иқтидори Тоҷикистон дар Форуми глобалии энергетикӣ дар шаҳри Вашингтон муаррифӣ гардид
Ҳайати Тоҷикистон дар чорабинии канорӣ оид ба ҳамкорӣ дар самти рушди иҷтимоӣ дар Осиёи Марказӣ иштирок намуд
Дурнамои ҳамкорӣ байни Тоҷикистон ва Туркманистон дар доираи ЮНЕСКО баррасӣ шуд
Фарҳангу таърихи Тоҷикистон дар Фестивали байналмилалии донишгоҳи ADA-и Озарбойҷон муаррифӣ гардид
Дар шаҳри Гроднои Беларус мероси фарҳангии халқи тоҷик муаррифӣ гардид
Сафири Тоҷикистон бо имкониятҳои иқтисодӣ, саноатӣ ва илмии музофоти федеролии Саарланди Олмон шинос шуд
Ҳамкории Тоҷикистон бо Иттиҳоди Аврупо баланд арзёбӣ гардид
Ҳамкории Тоҷикистон ва Австрия дар доираи созмонҳои байналмилалӣ баррасӣ шуд
Дар Женева ҳамкории Тоҷикистон ва Созмони ҷаҳонии тандурустӣ баррасӣ гардид
Вазири корҳои хориҷии Кипр Константинос Комбос дар пояи муҷассамаи Исмоили Сомонӣ гулчанбар гузошт
Ҳайати Тоҷикистон дар ҷаласаи Комиссияи СММ оид ба пешгирии ҷиноят ва адлияи ҷиноӣ дар Женева иштирок дорад
