Дар қисмҳои ҳарбии Тоҷикистон наваскарон савганди садоқат ба Ватан ёд карданд
ДУШАНБЕ, 07.12.2022 /АМИТ «Ховар»/. То 5 декабр 266 нафар наваскароне, ки барои адои хизмат ба қисмҳои ҳарбии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон даъват шудаанд, савганди садоқат ба Ватан ёд карданд. Дар ин бора ба АМИТ «Ховар» дар кумитаи мазкур хабар доданд.
Зикр гардид, ки дар қисмҳои низомии Кумитаи ҳолатҳои фавқулода ва мудофиаи гражданӣ бахшида ба қабули савганди ҳарбӣ аз ҷониби наваскарон барномаҳои тантанавӣ баргузор гардиданд.
Чунончӣ, 5 декабр дар қисмҳои ҳарбии Кумита, воқеъ дар қаламрави ноҳияҳои Ҳамадонии вилояти Хатлон ва Бобоҷон Ғафурови вилояти Суғд маросими тантанавии савганди ҳарбии наваскарони даъвати тирамоҳӣ доир гардид.
Сарбозони ҷавон дар вазъияти тантанавӣ дар назди афсарон, ҳамсафон ва ҳамхизматони худ савганд ёд карданд, ки вазифаи пуршарафи худро шоиставу сазовор ба ҷо меоранд ва ҳамеша омодаи ҳифзи марзу бум, тамомияти арзии кишвари азиз ва таъмини амнияти шаҳрвандони он хоҳанд буд.
Яке аз наваскарон Олим Саидов иброз кард, ки «барои ман савганд ёд кардан лаҳзаи хеле ҳаяҷоновар аст. Ман ҳамеша мехостам ба артиш равам. Ду ҳафта пурра моро бо нозукиҳои касби ҳарбӣ шинос карданд ва барои худам тасмим гирифтам, ки пас аз адои хидмати ҳарбӣ мехоҳам хизматро тибқи шартнома идома диҳам».
Маросими савганди ҳарбӣ бо сафороии тантанавии ҳайати низомӣ анҷом ёфт.
АКС: КҲФ ва МГ
ПЕШВОИ МИЛЛАТ — ПУШТИБОНУ ҒАМХОРИ ЯТИМОН. Мулоҳизаҳо дар ин маврид
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
