Дар шаҳри Бӯстон бахшида ба Соли байналмилалии ҳифзи пиряхҳо роҳпаймоӣ доир гардид
ДУШАНБЕ, 26.12.2022 /АМИТ «Ховар»/. 24 декабр дар шаҳри Бӯстони вилояти Суғд бахшида ба Соли байналмилалии ҳифзи пиряхҳо бо иштироки зиёда аз 4 ҳазор нафар роҳпаймоӣ доир гардид, хабар доданд ба АМИТ «Ховар» дар Мақомоти иҷроияи ҳокимияти давлатии шаҳри Бӯстон.
Дар роҳпаймоӣ роҳбарияти Мақомоти иҷроияи ҳокимияти давлатии шаҳр, хизматчиёни давлатӣ, собиқадорон, сарбозони қисмҳои низомӣ, аъзои фаъоли Ҳизби Халқии Демократии Тоҷикистон, ҷавонону сокинон ва аҳли ҷамоат дар даст парчамҳои давлатии Ҷумҳурии Тоҷикистон, аксҳои Пешвои миллат, шиору овезаҳои марбут ба оби тоза ва ифодагари ифтихори миллӣ ширкат намуданд.
Роҳпаймоии идона аз майдони Нишони давлатии Ҷумҳурии Тоҷикистон тариқи кӯчаи Сулҳ бо пайвастшавӣ ба кӯчаи ба номи Фотеҳ Ниёзӣ то гулгашти Парчами давлатии Ҷумҳурии Тоҷикистон идома ёфт.
Баъдан дар гулгашти Парчами давлатии Ҷумҳурии Тоҷикистон ҳамоиши идона доир гардид. Дар ҳамоиш Раиси шаҳри Бӯстон Мавсума Муинӣ иброз дошт, ки 14 декабри соли равон Маҷмаи Умумии Созмони Милали Муттаҳид дар бораи «Соли байналмилалии ҳифзи пиряхҳо» эълон кардани соли 2025 ва 21 март ҳамчун Рӯзи ҷаҳонии пиряхҳо, ки аз ҷониби Тоҷикистон пешниҳод шуда буд, якдилона қарор қабул кард.
Иқдоми навбатии Президенти Ҷумҳурии Тоҷикистон муҳтарам Эмомалӣ Раҳмон бо пуштибонии 153 мамлакати узви СММ пазируфта шуда, қабули ин қатънома дар миқёси ҷаҳон иқдоми муҳим ва таърихӣ мебошад. Тавассути он ҷомеаи ҷаҳонӣ имкон пайдо мекунад, ки барои ҳифзи бузургтарин манбаъҳои оби ошомиданӣ тадбирҳои муштараки зарурӣ андешад.
Дар фарҷом Мавсума Муинӣ бо такя ба ҳидоятҳои дурнигаронаи Президенти мамлакат муҳтарам Эмомалӣ Раҳмон, ки зимни ироаи Паёми навбатии хеш ба Маҷлиси Олии мамлакат 23 декабр баён доштанд, аз кулли сокинону меҳмонони шаҳр ҷиҳати саҳмгузорӣ дар татбиқи ҳадафҳои стратегии мамлакат ва вусъати корҳои ободониву созандагӣ ба истиқболи 35-солагии Истиқлолияти давлатии Ҷумҳурии Тоҷикистон даъват ба амал овард.
АКС: Мақомоти иҷроияи ҳокимияти давлатии шаҳри Бӯстон
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
