Дар Суғд ба 60 нафар бонувони ҳунарманд грантҳои Раиси вилоят супорида шуданд
ДУШАНБЕ, 14.12.2022 /АМИТ «Ховар»/. 13 декабр дар Театри мусиқӣ-мазҳакавии ба номи Камоли Хуҷандӣ маросими супоридани грантҳои Раиси вилояти Суғд ба занони ҳунарманд баргузор гардида, ба 60 нафар бонувон 420 000 сомонӣ грант супорида шуд. Дар ин бора ба АМИТ «Ховар» дар Хадамоти матбуоти Раиси вилоят хабар доданд.
Имсол баҳри дастгирӣ ва рушди ҳунарҳои мардумӣ, дар доираи эълон гардидани Солҳои рушди саноат (2022 – 2026) тибқи қарори Раиси вилояти Суғд «Дар бораи таъсис ва ҷудо намудани грантҳои Раиси вилоят ҷиҳати дастгирӣ ва рушди фаъолияти соҳибкории занони ҳунарманд ва эҷодкор барои солҳои 2021-2025» 60 гранти Раиси вилоят, аз ҷумла 15 грант дар ҳаҷми 10 ҳазор сомонӣ, 15 грант дар ҳаҷми 8000 сомонӣ ва 30 грант дар ҳаҷми 5000 сомонӣ пешбинӣ гардидааст.
Ба комиссияи грантҳои Раиси вилоят 104 адад лоиҳаҳои дархостӣ барои рушди ҳунарҳои гулдўзӣ, қуроқдӯзӣ, армуғонсозӣ, адрасбофӣ, қолинбофӣ ва амсоли инҳо ворид гардида, беҳтарин лоиҳаҳои ба комиссияи грантҳои мақомоти иҷроияи ҳокимияти давлатии вилоят пешниҳодшуда дастгирӣ карда шуданд.
Занони ҳунарманд ният доранд бо истифода аз маблағи грант фаъолияти коргоҳи худро васеъ ба роҳ монда, аз 10 то 20 нафар занону духтаронро бо ҷойи кор таъмин намоянд.
Ёдовар мешавем, ки ҳамасола аз ҷониби Сарвари давлат грантҳои президентӣ ба маблағи аз 10 то 40 ҳазор сомонӣ ҷудо мегарданд. Дар ин озмун бонувони вилояти Суғд низ ширкат намуда, соҳиби гранти президентӣ мегарданд. Соли 2022 низ 17 нафар бонувони вилоят бо манзури лоиҳаҳои худ сазовори грантҳои президентӣ гаштанд.
Солҳои охир дар вилояти Суғд грантҳои мақомоти иҷроияи ҳокимияти давлатии вилоят ҷиҳати дастгирии фаъолияти занон таъсис дода шуда, занони ҳунарманд давоми солҳои 2010-2022, дар маҷмӯъ 3 миллиону 785 ҳазор сомонӣ маблағҳои грантиро соҳиб гардиданд. Бо ин на танҳо шароити иқтисодии оилаи худро беҳтар намуданд, балки барои дигар занону духтарон ҷойҳои нави кори доимӣ таъсис додаанд.
АКС: Хадамоти матбуоти Раиси вилояти Суғд
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
