Дар Вазорати мудофиаи Тоҷикистон ҳамоиши методӣ-таълимии соҳаи ақибгоҳ доир гардид
ДУШАНБЕ, 31.12.2022 /АМИТ «Ховар»/. Дар Вазорати мудофиаи кишвар ҷамъомади методӣ-таълимии соҳаи ақибгоҳии қисму воҳидҳои ҳарбии тобеи марказ, навъҳои қӯшуни Қувваҳои Мусаллаҳи Ҷумҳурии Тоҷикистон ва дигар ҷузъу томҳои алоҳидаи низомӣ доир гардид. Дар ин бора ба АМИТ «Ховар» дар Вазорати мазкур хабар доданд.
Ҷамъомад ба таври назариявӣ ва амалӣ дар қисми ҳарбӣ ва пойгоҳи Донишкадаи ҳарбии Вазорати мудофиа ташкил шуда, дар доираи он ҳамчунин афсарони самти ақибгоҳии қисму воҳидҳои ҳарбӣ аз ҳолати истифода ва самарнокии кишту кор дар заминҳои хоҷагии ёрирасони Донишкадаи ҳарбии Вазорати мудофиаи мамлакат дидан намуданд.
Зимни ҷамъбасту натиҷагирии ҷараёни баргузории ҷамъомади методӣ-таълимӣ масъулини Вазорати мудофиаи мамлакат дар самти ақибгоҳӣ оид ба мавҷудият ва ҳолати нигоҳдории молу амволи шайъӣ ва дигар маҳсулоти мавриди ниёзи аввал дар шароити гуногуни хизматӣ маълумот доданд. Зикр шуд, ки заминҳои хоҷагиҳои ёрирасони назди қисмҳои ҳарбиро бояд самаранок истифода бурда, ба кишту парвариши маҳсулот ва риояи дурусти қоидаҳои агротехникӣ диққату тавваҷуҳи ҷиддӣ зоҳир намуд.
Баъди анҷоми ҷамъомади таълимӣ фаъолияти масъулини соҳаи ақибгоҳӣ дар соли 2022 ҷамъбаст ва барои шашмоҳаи якуми соли 2023 вазифаҳо гузошта шуданд.
АКС: Вазорати мудофиаи ҶТ
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
