Иқтидорҳои сайёҳии Тоҷикистон дар Саммити 6-уми иқтисодии Истанбул муаррифӣ гардиданд

Декабрь 10, 2022 12:53

ДУШАНБЕ, 10.12.2022 /АМИТ «Ховар» /. Ҳайати Тоҷикистон дар Саммити 6-уми иқтисодии Истанбул иштирок намуд, хабар доданд ба АМИТ «Ховар» дар Кумитаи рушди сайёҳии назди Ҳукумати Ҷумҳурии Тоҷикистон.

8-9 декабр бо мусоидати Сафорати Ҷумҳурии Тоҷикистон дар Туркия ҳайати Ҷумҳурии Тоҷикистон аз ҳисоби вазорату идораҳои дахлдор дар Саммити 6-уми иқтисодии Истанбул ширкат намуд.

Ҳамоиши байналмилалӣ зери унвони «Занҷираи ҷаҳонии арзиш» ташкил гардида, дар кори он мавзӯъҳои «Дигаргуниҳои иҷтимоӣ», «Имконият барои соҳибкорзанон дар занҷираи таъминот», «Ташаккули арзиш дар соҳаи сайёҳӣ аз сатҳи маҳаллӣ то ҷаҳонӣ», «Трансформатсияи рақамӣ ва сабз дар минтақаҳои саноатӣ», «Нақши автомобилҳои электронӣ дар соҳаи энергетика ва дигаргунсозии он», ва «Инноватсия дар соҳаи тандурустӣ барои рушди устувор» мавриди баррасӣ қарор гирифтанд.

Дар панели «Ташаккулёбии арзиш дар соҳаи сайёҳӣ аз сатҳи маҳаллӣ то ҷаҳонӣ» муовини Раиси Кумитаи рушди сайёҳӣ Камолиддин Муминзод вобаста ба захираҳои сайёҳӣ ва имконияти ҳамкорӣ дар ин самт маълумот дод.

Сайёҳӣ соҳаи ояндадорест, ки тамоми ҷаҳонро бо ҳам мепайвандад, миллатҳои гуногунро муттаҳид мекунад, ба ҳамкории осоишта, табодули таҷриба ва нафъи мутақобила мусоидат мекунад.

Ҷумҳурии Тоҷикистон ва Ҷумҳурии Туркия давлатҳои дорои таърихи тӯлонии фарҳангӣ дар масири Роҳи Абрешим буда, равобити фарҳангии ду мамлакат пайванди таърихии тӯлонӣ доранд.

Аз соли 2019 Комиссияи муштараки Тоҷикистон ва Туркия оид ба сайёҳӣ таъсис дода шуд ва то имрӯз нишастҳои Комиссия дар Душанбе ва Истанбул баргузор гардида истодаанд.

АКС: Кумитаи рушди сайёҳии назди Ҳукумати Ҷумҳурии Тоҷикистон

Декабрь 10, 2022 12:53

Хабарҳои дигари ин бахш

Байни Тоҷикистон ва БАТР якчанд созишномаи нав ба имзо расид
Дар даврони соҳибистиқлолӣ дар Тоҷикистон беш аз 2400 километр роҳҳо сохта шуданд
Корхонаҳои коркарди хушкмеваи Тоҷикистон дар намоишгоҳи байналмилалии «Anuga» иштирок доранд
Таҳкими ҳамкорӣ дар доираи лоиҳаҳои Бонки аврупоии таҷдид ва рушд дар бахши молиявӣ баррасӣ гардид
Тоҷикистон дар самти гузариш ба энергетикаи «сабз» саъю талоши пайваста менамояд
4 ОКТЯБР — РӮЗИ БАЙНАЛМИЛАЛИИ ҲИФЗИ ҲАЙВОНОТ. Дар Тоҷикистон беш аз 13 ҳазор намуди ҳайвонот муайян гардидааст
Тоҷикистон ба панҷгонаи давлатҳои бештар осебпазир аз оқибатҳои тағйирёбии иқлим дохил мегардад
Тоҷикистон ҳамкориро бо Қирғизистон ва Русия дар самти муқовимат ба коррупсия густариш медиҳад
Раёсат дар Шурои байнидавлатии муқовимат ба коррупсияи ИДМ аз Тоҷикистон ба Арманистон гузашт
Масоили муҳими ҳамкории дуҷониба ва бисёрҷониба байни Тоҷикистон ва Русия баррасӣ гардид
Дар Остона таҳкими ҳамкории Тоҷикистону Қазоқистон дар соҳаи энергетика баррасӣ гардид
Дар Душанбе масъалаи ҷамъоварии омори тандурустӣ дар доираи стандартҳои байналмилалӣ баррасӣ шуд