Иттиҳодияи истеҳсолии матбааҳои Бадахшон дубора фаъол мегардад
ДУШАНБЕ, 08.12.2022 /АМИТ «Ховар»/. Иттиҳодияи истеҳсолии матбааҳои Вилояти Мухтори Кӯҳистони Бадахшон ояндаи наздик дубора ба фаъолият оғоз менамояд. Дар ин бора ба АМИТ «Ховар» дар Мақомоти иҷроияи ҳокимияти давлатии ВМКБ хабар доданд.
Зикр шуд, ки иттиҳодияи истеҳсолии матбааҳо дар гузашта яке аз корхонаҳои калон ба ҳисоб мерафт, аммо бо мурури замон ин корхона муфлис гардида, тамоман аз фаъолият монд.
Дар айни замон бо дастур ва супориши бевоситаи Раиси вилоят Алишер Мирзонабот барои аз нав ба кор даровардани матбааи вилоятӣ тадбирҳои зарурӣ андешида шуда, ояндаи наздик он дубора фаъол мегардад.
Бо мақсади шиносоӣ ва тезонидани ҷараёни корҳои барқарорсозӣ дар матбааи вилоятӣ роҳбарияти вилоят аз ин корхона дидан намуда, барои ҳарчӣ тезтар ба кор андохтани матбаа ва анҷоми босифати корҳои таъмирии бинои он ба масъулин супоришҳои мушаххас доданд.
Ҳамзамон аз идораи рӯзномаи вилоятии «Бадахшон», ки таърихи зиёда аз 90-сола дорад, боздид ба амал оварда шуд.
Раиси вилоят аз шароити кории барои кормандони рӯзнома фароҳамоварда изҳори қаноатмандӣ намуда, онҳоро баҳри дар амал татбиқ намудани сиёсати Ҳукумати кишвар, бахусус Пешвои миллат муҳтарам Эмомалӣ Раҳмон дар роҳи созандагиву бунёдкорӣ даъват намуд.
Раиси вилоят ҳамчунин бо фаъолияти Маҷмааи варзишӣ шинос шуда, ҷиҳати пешбурди корҳои таъмирӣ ва бартараф намудани камбудиҳои ҷойдошта ба масъулин супоришҳои мушаххас дод.
Акс: МИҲД ВМКБ
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
