МАРҲИЛАИ БАЙНАЛМИЛАЛИИ ФЕСТИВАЛИ XVII «КАТЮША» ДАР МОСКВА. Миёни меҳмонони фахрӣ Вазири мудофиаи Тоҷикистон Шералӣ Мирзо низ буд
ДУШАНБЕ, 14.12.2022 /АМИТ «Ховар»/. Дар Хонаи марказии Артиши Россия дар Москва марҳилаи байналмилалии Фестивали XVII ҳунарҳои мардумии «Катюша» барои хизматчиёни ҳарбии Қувваҳои Мусаллаҳ, кормандони низомии вазорату идораҳои кишварҳои ИДМ, собиқадорони ҷангу хизмати ҳарбӣ, аъзои оилаи онҳо баргузор гардид. Тавре мухбири АМИТ «Ховар» бо истинод ба хадамоти матбуоти Шӯрои вазирони мудофиаи ИДМ хабар медиҳад, миёни меҳмонони фахрӣ Вазири мудофиаи Тоҷикистон Шералӣ Мирзо иштирок дошт.
Дар марҳилаи байналмилалии ҷашнвора ҳунармандони кишварҳои узви Иттиҳоди Давлатҳои Мустақил, намояндагиҳои қувваҳои мусаллаҳи Озарбойҷон, Арманистон, Беларус, Тоҷикистон, Қирғизистон ва Россия ширкат доштанд. Дар артиши ҳамаи ин кишварҳо, ки анъанаҳои бойи фарҳангӣ, суруди ҳарбӣ хеле маъмул аст, ҳунармандони онҳо борҳо дар фестивали «Катюша»-и солҳои қаблӣ, инчунин дар Фестивали байналмилалии «Артиши фарҳанг», ки дар доираи чорабиниҳои умумиҷаҳонии Бозиҳои байналмилалии артишӣ баргузор мегардад, иштирок кардаанд.
Ҳоло ҳам ҳар як иҷрокунанда дар баромади худ кӯшиш мекард, то ки на танҳо маҳорати баланди иҷрокунандагӣ нишон диҳад, балки ҳунари миллӣ ва хусусияти фарҳангии кишвари худро низ равшан ифода намояд.
Марҳилаи ҷашнвора бо суруди таърихии «Катюша», ки бо шаш забон, аз ҷумла тоҷикӣ иҷро шуд, ба охир расид.
Шаҳлои САДРИДДИН,
АМИТ «Ховар»
АКС: Вазорати мудофиаи ФР
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
