Миёни Бонки миллии Тоҷикистон ва Бонки Аврупоии таҷдид ва рушд созишномаи грантӣ ба имзо расид
ДУШАНБЕ, 15.12.2022 /АМИТ «Ховар»/. 14 декабр Бонки миллии Тоҷикистон (БМТ) ва Бонки Аврупоии таҷдид ва рушд (БАТР) лоиҳаи фарогирии молиявии гендериро оғоз намуданд, ки он тавассути баимзорасонии созишнома миёни ҳар ду бонк оид ба лоиҳаи «Дастгирии узвияти БМТ дар Алянс барои фарогирии молиявӣ» (АФМ) сурат мегирад. Дар ин бора ба АМИТ «Ховар» дар Бонки миллӣ хабар доданд.
Баимзорасонии созишномаи мазкур ба фарогирии бештари молиявӣ ва таъмини баробарии гендерӣ мутобиқи «Стратегияи миллии фарогирии молиявии Ҷумҳурии Тоҷикистон барои солҳои 2022-2026» заминаи мусоид фароҳам меорад.
Илова бар ин, дар доираи барномаи мазкур гузаронидани якчанд чорабиниҳо ҷиҳати татбиқи сиёсати фарогирии молиявӣ ба нақша гирифта шудааст, ки ин иқдом ба татбиқи Стратегияи миллии фарогирии молиявӣ мусоидат хоҳад кард. Ин ташаббус инчунин бо уҳдадориҳои Бонки миллӣ тибқи Нақшаи Амали Денарауи Алянс ба фарогирии молиявӣ мувофиқат мекунад. Ин ҳуҷҷат кишварҳои аъзоро барои дар доираи фаъолияти танзимгарони бахши молиявӣ ва сиёсатмадорони худ андешидани тадбирҳои зарурӣ оид ба масъалаҳои гендерӣ дар самти фарогирии молиявӣ роҳнамоӣ менамояд.
Мавриди зикр аст, ки Бонки миллии Тоҷикистон аз 7 декабри соли 2011 узви комилҳуқуқи Алянс барои фарогирии молиявӣ ба шумор рафта, фаъолияти АФМ ба пешбурди сиёсати фарогирии молиявӣ дар кишварҳои аъзо равона карда шудааст.
АКС: шуъбаи матбуоти БМТ
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷаласаи панелии соҳавии «Шарикии рушд: тасмимҳои бонкӣ ва суғуртавӣ барои ҷомеаи соҳибкорӣ» баргузор шуд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
