Соҳибкорони тоҷику эронӣ дар Машҳад мулоқот мекунанд

Декабрь 8, 2022 12:15

ДУШАНБЕ, 08.12.2022 /АМИТ «Ховар»/. Дар Машҳад конфронс бахшида ба имкониятҳои равобити савдои Тоҷикистону Эрон ва сармоягузорӣ дар тиҷорат баргузор мешавад. Чорабинӣ рӯзи 21 декабр баргузор мегардад. Дар ин бора ба АМИТ «Ховар» муовини аввали Раиси Палатаи савдо ва саноати Тоҷикистон Ҳайдар Раҷабов хабар дод.

Ба гуфтаи Ҳ. Раҷабов, аллакай аз ҷониби Тоҷикистон гуруҳ таъсис дода шудааст, ки роҳбарии онро Раиси кулли Палатаи савдо ва саноати вилояти Суғд Муҳаммадҷон Муҳамедҷонов ба уҳда дорад. Сафари гуруҳи Тоҷикистон аз 17 то 21 декабр идома хоҳад кард.

Тавре Ҳ. Раҷабов иброз дошт, 17 декабр миёни ду ҷониб мулоқот дар шакли B2B (business-to-business) доир ба имконоти сармоягузорӣ ва тиҷорат дар Тоҷикистон ва Эрон баргузор мешавад, ки аз ҷониби Палатаи савдои Тоҷикистон ва Палатаи савдо, саноат, канданиҳои фоиданок ва кишоварзии Эрон ташкил карда шудааст. Дар мулоқот соҳибкорон ва тоҷирони ду кишвар, ки дар соҳоти саноати хӯрокворӣ, масолеҳи сохтмонӣ ва хизматрасонии муҳандисӣ фаъолият доранд,ширкат хоҳанд кард.

Дар доираи ин сафар соҳибкорони тоҷик аз як қатор корхонаҳои тахассусии вилоятҳои Хуросони Разавӣ ва Исфаҳон дидан намуда, табодул таҷриба менамоянд.

21 декбар дар ҳошияи конфронс намоиши молу маҳсулоти ду кишвар баргузор мешавад, ки дар он ширкатҳо аз Ҷумҳурии Тоҷикистон дар самтҳои мухталиф, аз ҷумла, дар бахши ғизо, истеҳсоли масолеҳи бинокорӣ, маҳсулоти кишоварзӣ ва маҳсулоти сузишворӣ иштирок менамоянд.

Ёдовар мешавем, ки рӯзҳои 5 ва 6 декабр дар Теҳрон нишасти Комиссияи муштараки иқтисодии Эрон ва Тоҷикистон баргузор шуд. Ба гуфтаи муовини Вазири корҳои хориҷии Эрон Маҳдӣ Сафарӣ, мавзӯҳои гуфтугӯ бахшҳое аз қабили тиҷорат, молия, энергетика, нақлиёт, саноат, хидматрасонии муҳандисӣ, тандурустӣ ва сайёҳиро дарбар гиифтанд.

Шаҳлои САДРИДДИН,
АМИТ «Ховар»

АКС аз манбаҳои боз

Декабрь 8, 2022 12:15

Хабарҳои дигари ин бахш

Тоҷикистон барои рушди устувор ва иқтисоди «сабз» бо Комиссияи иқтисодии СММ ҳамкорӣ менамояд
Тоҷикистон дар таҳкими ҳамкории сиёсӣ, иқтисодӣ ва башардӯстона дар доираи ИДМ саҳми назаррас дорад
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
Қоҳир Расулзода бо Валиаҳди Салтанати Негери Сембилани Малайзия Шоҳзода Тунку Алӣ Ризауддин ибни Муҳри мулоқот намуд
Холид Ал-Фолеҳ: «Арабистони Саудӣ дар Тоҷикистон беш аз 14 лоиҳаро тавассути Фонди саудии рушд амалӣ намудааст»
Намояндаи Тоҷикистон дар Форум оид ба сиёсати бетарафӣ, зеҳни сунъӣ (AI) ва ояндаи рақамӣ иштирок намуд
Сафири Тоҷикистон дар Конгресси ҷаҳонӣ оид ба ҳифзи табиат дар Абу Забӣ иштирок намуд
Сироҷиддини Муҳриддин: «Музокироти сарони кишварҳои ИДМ дар фазои созандаю самарабахш ва корӣ баргузор шуд»
Сергей Лебедев аз нав Дабири кулли Иттиҳоди Давлатҳои Мустақил таъйин гардид
Аз рӯйи натиҷаҳои ҷаласаи Шурои сарони давлатҳои ИДМ нишасти матбуотӣ баргузор шуд
Имрӯз дар Тоҷикистон ҷаласаи Шурои сарони кишварҳои Иттиҳоди Давлатҳои Мустақил баргузор мегардад
Сарвазири Арманистон Никол Пашинян бо сафари корӣ ба Тоҷикистон ташриф овард