Завқӣ Завқизода ва Давид Грихтинг масъалаи зиёд кардани гардиши савдо миёни Тоҷикистон ва Швейтсарияро баррасӣ намуданд
ДУШАНБЕ, 12.12.2022 /АМИТ «Ховар»/. 9 декабр вохӯрии Вазири рушди иқтисод ва савдои Ҷумҳурии Тоҷикистон Завқӣ Завқизода бо Сафири Швейтсария дар Тоҷикистон (бо қароргоҳ дар Остона) Давид Грихтинг баргузор гардид. Дар ин бора ба АМИТ «Ховар» дар вазорати мазкур хабар доданд.
Зимни мулоқот З. Завқизода иброз намуд, ки Президенти Ҷумҳурии Тоҷикистон муҳтарам Эмомалӣ Раҳмон ба тақвияти ҳамкории тиҷоратию иқтисодӣ ва сармоягузорӣ бо Конфедератсияи Швейтсария таваҷҷуҳи махсус зоҳир менамоянд. Дар натиҷаи тақвияти ҳамкорӣ тиҷорати дуҷониба дар 10 моҳи соли 2022 ба 285, 4 млн доллар баробар гардида, ин нишондиҳанда соли 2021 39,5 фоиз афзоиш ёфтааст.
Зимни ҷаласа ҷонибҳо оид ба тавсеа ва рушди минбаъдаи ҳамкории тиҷоративу иқтисодӣ миёни ду кишвар, ҳолати кунунӣ ва дурнамои шарикии Тоҷикистон ва Швейтсария табодули назар намуданд.
Ҷонибҳо ҳамчунин масъалаҳои муҳими низоми тиҷорат ва иқтисоди ҳарду кишвар, бахусус бамаротиб зиёд кардани гардиши савдо миёни Ҷумҳурии Тоҷикистон ва Конфедератсияи Швейтсария ва дигар масъалаҳои муҳими ҳамкории тиҷоративу иқтисодӣ ва сармоягузориро муҳокима карданд.
Вобаста ба ин ҷиҳати вусъат бахшидани ҳамкорӣ якчанд пешниҳодҳо, аз ҷумла тадриҷан зиёд намудани маблағгузории лоиҳаҳои афзалиятноки Ҷумҳурии Тоҷикистон, таъсиси корхонаҳои муштараки нассоҷӣ, истеҳсоли маҳсулот аз алюминий, коркарди маҳсулоти кишоварзӣ ва дигар самтҳои афзалиятнок ироа гардиданд.
Дар анҷоми вохӯрӣ ҷонибҳо омодагии худро барои густариш додан ва самаранок истифода бурдани ҳамкории дуҷониба изҳор намуданд.
АКС: Вазорати рушди иқтисод ва савдои ҶТ
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
Намояндагони Тоҷикистон дар Форуми байналмилалии зиддикоррупсионӣ иштирок намуданд
Дар Тоҷикистон аввалин маҷмааи муосири истеҳсоли шиша бунёд мегардад
Дар ноҳияи Сино низоми «Пардохти ягонаи коммуналӣ» дар марҳилаи пилотӣ ҷорӣ мегардад
Тоҷикистон бо чанд давлати ҷаҳон муносибати савдои хориҷӣ дорад?
Дар Душанбе Форуми рушди технологияҳои иттилоотию коммуникатсионӣ баргузор шуд
Дар доираи ҷаласаи 45-уми Шурои идоракунандагони GCF барои Тоҷикистон 2 лоиҳаи нави муҳим ба маблағи 190 миллион доллар тасдиқ гардид
Дар Душанбе ҷараёни корҳои пешакии лоиҳаи сохтмони метро дар пойтахт муҳокима гардид
Палатаи савдо ва саноати Тоҷикистон ҳамкориро бо Чин ва кишварҳои Осиёи Марказӣ густариш медиҳад
Дар Тоҷикистон Маркази ҳамоҳангсозии амнияти киберӣ барои бахши энергетика ва Низоми миллии иттилоотии бахши энергетикаи Тоҷикистон таъсис дода мешавад
Дурнамои ҳамкорӣ байни Тоҷикистон ва Қатар дар соҳаи саноат баррасӣ гардид
