«АЗ ДИДОРАТОН ҲАМЕША ШОДЕМ!..». Шаҳрвандони Россия барои саёҳати солинавӣ Тоҷикистонро интихоб карданд
ДУШАНБЕ, 03.01.2023 /АМИТ «Ховар»/. Тоҷикистон дар рӯзҳои таҷлили Соли нав барои шаҳрвандони Россия ба макони камхарҷ табдил ёфт. Дар ин бора АМИТ «Ховар» бо истинод ба маълумоте, ки аз тадқиқоти хадамоти банақшагирии саёҳатҳои OneTwoTrip бармеояд, хабар медиҳад.
Ҳамин тариқ, сафар ба Душанберо 3,5 дарсади сайёҳон аз Россия, ки тасмим гирифтанд дар рӯзҳои таътили солинавӣ ба хориҷа бираванд, интихоб кардаанд. Чиптаи сафар ба пойтахти Тоҷикистон аз Москва 24,7 ҳазор рубл арзиш дорад.
Ҳамчунин сафар ба Узбекистон ва Қирғизистон низ оммавӣ гардидааст. Чиптаҳо ба Тошканд аз пойтахти Россия бо қимати 13,2 ҳазор ва ба Ӯш 12 ҳазор рубл фурӯхта шуданд.
Қаблан хадамоти саёҳатии OneTwoTrip иттилоъ дод, ки аз 30 декабри соли 2022 то 8 январи соли 2023 кишварҳои наздики хориҷ барои парвоз ҷолиб буданд. Манбаъ нархи чиптаҳоро маҳз дар давраи таътили солинавӣ таҳлил кард.
Арзиш аз рӯи шаҳрҳои пешсаф таҳқиқ карда шуд – ин парвозҳо аз Москва, Санкт-Петербург, Сочи, Екатеринбург ва Минеральные Воды мебошанд. Ба самтҳои панҷгонаи арзон Узбекистон ва Тоҷикистон шомил шуданд.
Нархҳо барои як шахс ба як самт нишон дода шудаанд.
«Ҳамин тавр, аз Москва ба Тоҷикистон метавон шурӯъ аз 26,4 ҳазор рубл, аз Санкт-Петербург — 33,5 ҳазор рубл ва аз Екатеринбург ҳамагӣ бо 20,9 ҳазор рубл парвоз кард», — чунин бармеояд аз маълумоти хадамот.
Тавре ба хабарнигори АМИТ «Ховар» дар Агентии авиатсияи граждании назди Ҳукумати Ҷумҳурии Тоҷикистон изҳор доштанд, дар фурудгоҳҳои байналмилалии кишвар меҳмонони хориҷиро ҳамеша гарму самимӣ ва бо суханони: «Аз дидоратон ҳамеша шодем, ба меҳмонӣ даъват менамоем!» истиқбол мегиранд ва гусел менамоянд!».
АКС: Фурудгоҳи байналмилалии Душанбе
Дар нуҳ моҳи соли 2025 зиёда аз 90 ҳазор нафар сайёҳ мавзеъҳои таърихию фарҳангии Тоҷикистонро тамошо карданд
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
