Дар ҳамоиши «Саноатсодиротбонк» Паёми Президенти Тоҷикистон ба Маҷлиси Олӣ тавзеҳ дода шуд

Январь 29, 2023 14:26

ДУШАНБЕ, 29.01.2023 /АМИТ «Ховар»/. Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар Паёми солона ба Маҷлиси Олии Ҷумҳурии Тоҷикистон даҳҳо пешниҳод, вазифаҳои муҳимро барои рушди иқтисодию иҷтимоии Тоҷикистон ба миён гузоштанд, ки бо амалӣ шудани ҳамаи он барномаву нақша чорабиниҳои дар асоси Паём таҳияшуда, иқтисоди миллӣ боз ҳам пеш рафта, сатҳи некуаҳволии аҳолӣ ба маротиб боло меравад. Дар ин хусус 27 январ дар Бонки саноативу содиротии Тоҷикистон «Саноатсодиротбонк» зимни баргузории як ҳамоиш гуфта шуд.

Дар ҳамоиш таъкид шуд, ки Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аслан бо дарназардошти таҳаввулоти ҷаҳони муосир, махсусан таъсири буҳронҳои ҷаҳонӣ баён гардида, омодагии ҷумҳуриро барои бартараф намудани оқибатҳо он ва таъмин кардани рушди минбаъдаи соҳаҳои ҳаётан муҳимми ҷомеаро аз афзалиятҳои асосии сиёсати давлату ҳукумат муаррифӣ менамояд. Аз ҷумла, дар Паём баён гардид, ки «сарфи назар аз таҳаввулоти дар иқтисоди ҷаҳон идомадошта ва таъсири манфии омилҳои берунӣ ба иқтисоди миллии мо, дар натиҷаи татбиқи самараноки ислоҳоти иқтисодӣ, амалӣ намудани стратегияву барномаҳо ва тадбирҳои зиддибуҳронӣ дар панҷ соли охир рушди иқтисодиёти Тоҷикистон ҳамасола ба ҳисоби миёна дар сатҳи 7,3 фоиз таъмин гардида, Маҷмӯи Маҳсулоти Дохилӣ (ММД) аз 71 миллиард ба 115 миллиард сомонӣ расид, ба ҳар сари аҳолӣ 1,5 баробар афзоиш ёфт».

Вакили Маҷлиси намояндагони Маҷлиси Олии Ҷумҳурии Тоҷикистон Ҷамшед Муртазозода гуфт, ки «Паёми навбатӣ 24-умин Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон буда, роҳнамои давлат ва миллат барои давраҳои минбаъда мебошад. Моҳияти Паём ин натиҷагирӣ аз фаъолияти самтҳои мухталифи ҷомеъа ва рушду тараққиёти кишвар дар як соли сипаришуда мебошад. Паём низоме аст, ки аз чандин бахшҳо иборат буда, барои ҳар самт истифода аз нуктаҳои он расидан ба ҳадафро ифода менамояд».

Дар ҷараёни ҳамоиш иштирокдорон доир ба дигар масъалаҳои муҳими ҷомеа, ки дар Паём матраҳ гардиданд, ибрози назар карданд.

Дар ҳамоиш ҳамчунин намояндагони Кумитаи иҷроияи Ҳизби Халқии Демократии Тоҷикистон дар ноҳияи Сино ва дигар сохторҳои марбута иштирок намуданд.

АКС: БССТ «Саноатсодиротбонк»

Январь 29, 2023 14:26

Хабарҳои дигари ин бахш

Имрӯз дар водиҳои Тоҷикистон ҳаво то 36 дараҷа гарм мешавад
Дар Хоруғ маркази савдои муосир ба истифода дода шуд
Дар баъзе минтақаҳои Тоҷикистон баландшавии ҳолати ифлосшавии ҳавои атмосферӣ дар назар аст
Дар Суғд даври вилоятии озмуни «Беҳтарин хизматчии давлатӣ аз ҳисоби занон» доир гардид
Ҳайати Тоҷикистон дар Форуми ҷавонони Осиё Марказӣ дар Ашқобод иштирок намуд
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Китоби «Садриддин Айнӣ. Феҳристи адабиёт» рӯнамоӣ гардид
Имрӯз дар шаҳри Душанбе ҳаво то 38 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
«МегаФон Тоҷикистон» шабакаро ба суръатҳои нави гигабитӣ омода менамояд
Бахшида ба 34-солагии Истиқлолияти давлатии Тоҷикистон дар шаҳри Пенза ҳамоиш доир шуд
«ИСТИҚЛОЛ-НЕЪМАТИ БЕБАҲО». Дар ин мавзуъ дар Донишгоҳи давлатии Хоруғ конференсияи илмӣ доир гардид