Дар Душанбе масъалаи баргузории даври аввали Озмуни ҷумҳуриявии ««Тоҷикон»-оинаи таърихи миллат» муҳокима гардид

Январь 21, 2023 12:01

ДУШАНБЕ, 21.01.2023. /АМИТ «Ховар»/. 20 январ дар Вазорати маориф ва илми Ҷумҳурии Тоҷикистон таҳти раёсати Раиси комиссияи ҷумҳуриявии озмун, муовини Сарвазири Ҷумҳурии Тоҷикистон Матлубахон Сатториён ҷаласаи Комиссияи Озмуни ҷумҳуриявии ««Тоҷикон» — оинаи таърихи миллат» доир гардид. Дар ҷаласа се масъала мавриди муҳокима ва баррасӣ қарор дода шуд. Аз ҷумла, масъалаи омодагиҳо ба даври аввали озмун, ки моҳи феврали соли равон доир мегардад. Дар ин бора ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.

Дар ҷаласа котиби комиссия оид ба баргузории Озмуни ҷумҳуриявии ««Тоҷикон»-оинаи таърихи миллат», муовини якуми Вазири маориф ва илми Ҷумҳурии Тоҷикистон Ҷамшед Ҷӯразода доир ба корҳои анҷомёфта ҷиҳати баргузор намудани озмун иттилоъ доданд.

Сипас аъзои комиссияи озмун атрофи масъалаи омодагиҳо ба даври аввали озмун, ки моҳи феврали соли равон доир мегардад, изҳори назар намуданд. Пешниҳод шуд, ки ба рӯйхати адабиётҳо ҳамчунин китобҳои бадеии оид ба таърих нигоштаи адибони тоҷик ҳам ворид карда шаванд.

Муовини Сарвазир таъкид намуд, ки дар ҷараёни гузаронидани даври аввали озмун бояд ба ягон камбудӣ роҳ дода нашавад, ҷиҳати баргузорӣ ва шаффофияти он назорати ҷиддӣ ва доимӣ ба роҳ монда шавад.

Ҳамчунин комиссияи озмун вазифадор карда шуд, ки ҷиҳати таъмини китобхонаҳои мактабӣ, донишгоҳу коллеҷҳо бо китоби “Тоҷикон” бо мақомоти дахлдори шаҳру ноҳияҳо ҳамкорӣ намуда, рафти баргузории озмунро тариқи воситаҳои ахбори омма ба таври доимӣ тарғибу ташвиқ намоянд.

«Ба ин васила китобхонӣ ва донистани таърихи гузаштаи пурғановати миллати азизамон дар ҷомеа тарғиб карда шавад»,-гуфт Матлубахон Сатториён

Дар охири ҷаласа ҳайати комиссияи озмун қарорҳои дахлдорро ҷиҳати баргузории даври аввали озмуни зикршуда дар моҳи феврали соли равон ва андешидани чораҳои зарурӣ қабул намуд.

АКС: Вазорати маориф ва илми Ҷумҳурии Тоҷикистон

Январь 21, 2023 12:01

Хабарҳои дигари ин бахш

ҶАҲОНИШАВИИ ҲИФЗИ ПИРЯХҲО. Доир ба саҳми Пешвои миллат дар пешниҳоди ташаббусҳои глобалӣ дар Донишгоҳи техникии Тоҷикистон ҳамоиш баргузор гардид
Донишгоҳи миллии Тоҷикистон аз аккредитатсияи байналмилалӣ мегузарад
Маркази миллии тестӣ дар шаҳру ноҳияҳои дурдасти Тоҷикистон нуқтаҳои бақайдгирии сайёр таъсис додааст
РУШДИ МАОРИФ. Дар Хатлон ду мактаби нав дари худро ба рӯи хонандагон боз намуд
«ЭРУДИТҲОИ САЙЁРА-2023». 2 хонандаи Тоҷикистон дар олимпиадаи байналмилалӣ соҳиби ҷойи сеюм шуд
ТАШАББУСҲОИ ҶАҲОНИИ ПРЕЗИДЕНТИ ТОҶИКИСТОН. Доир ба ин мавзуъ дар Душанбе ҳамоиши байналмилалӣ баргузор гардид
Дар Донишгоҳи байналмилалии сайёҳӣ ва соҳибкории Тоҷикистон Наврӯз хотирмон ҷашн гирифта шуд
Дар Донишгоҳи миллии Тоҷикистон толору озмоишгоҳи технологияҳои компютерӣ ба истифода дода шуд
«APНO 2023» ВА «EUPHO 2023». Дар Душанбе даври дуюми интихобӣ-ниҳоии олимпиадаи байналмилалӣ баргузор мешавад
«Пиряхҳои Тоҷикистон – манбаи обҳои зулоли Осиёи Марказӣ». Таҳти чунин унвон дар Донишгоҳи миллии Тоҷикистон ҳамоиш доир шуд
Бахшида ба Наврӯз дар Гимназияи №1 барои хонандагони болаёқати шаҳри Душанбе барномаҳои омӯзишӣ баргузор шуданд
КОНФЕРЕНСИЯИ ДУЮМИ БАЙНАЛМИЛАЛИИ СММ ОИД БА ОБ. Вобаста ба он «Паёми Донишгоҳи миллии Тоҷикистон. Бахши илмҳои иҷтимоӣ-иқтисодӣ ва ҷамъиятӣ» нашр шуд