Дар Хатлон бахшида ба Рӯзи кормандони мақомоти назорати давлатии молиявӣ ва мубориза бо коррупсия ҳамоиш доир шуд
ДУШАНБЕ, 10.01.2023 /АМИТ «Ховар»/. Имрўз, 10 январ аз таъсиси Агентии назорати давлатии молиявӣ ва мубориза бо коррупсияи Ҷумҳурии Тоҷикистон 16 сол сипарӣ гардид. 10 январи соли 2007 Фармони Президенти Ҷумҳурии Тоҷикистон дар бораи таъсиси ин ниҳод ба имзо расид. Бахшида ба ин сана дар Хатлон ҳамоиш доир гардид, иттилоъ доданд ба АМИТ «Ховар» дар шуъбаи иттилоотӣ ва таҳлилии дастгоҳи Раиси вилоят.
Дар ҳамоиш муовини Раиси вилоят Акрам Сулаймонзода, сардори Раёсати Агентии назорати давлатии молияви ва мубориза бо коррупсияи Ҷумҳурии Тоҷикистон дар вилояти Хатлон Карим Иброҳимзода, кормандони ин ниҳод ва дигар масъулон иштирок намуданд.
Карим Иброҳимзода иброз намуд, ки Агентии назорати давлатии молиявӣ ва мубориза бо коррупсия дар самти таъмини ҳифзи ҳуқуқ, озодӣ ва манфиатҳои қонунии инсону шаҳрванд, инчунин ҷамъияту давлат аз коррупсия, ошкор ва барҳам додани ҳуқуқвайронкуниҳои коррупсионӣ, васеъ намудани татбиқи чораҳои пешгирикунанда дар мубориза бо коррупсия, ҳамкорӣ бо қишрҳои ҷомеаи шаҳрвандӣ, васеъ ва фаъол гардонидани ҳамкориҳои байналмилалии Тоҷикистон дар соҳаи мубориза бо коррупсия чорабиниҳои муҳим таҳия ва дар амал татбиқ намудани он тадбирҳои мушаххасро роҳандозӣ кардааст, ки ин имрӯз низ бо иқдомоти наве ҷараён дорад.
Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми навбатии хеш ба Маҷлиси Олии кишвар аз санаи 26 январи соли 2021 таъкид доштаанд, ки «Коррупсия зуҳуроти номатлуб ва барои ҷомеа хатарнок ба ҳисоб рафта, мубориза бар зидди он вазифаи асосии мақомоти давлатӣ, ниҳодҳои ҷомеаи шаҳрвандӣ ва ҳар як сокини кишвар мебошад. Аз ин лиҳоз, барои пешгирӣ кардани кирдорҳои коррупсионӣ, фароҳам овардани фазои оштинопазир ба он ва ба ин раванд ҷалб намудани тамоми мақомоти давлатӣ, воситаҳои ахбори омма ва ниҳодҳои ҷомеаи шаҳрвандӣ аз ҷониби субъектҳои мубориза бар зидди коррупсия бояд чораҷӯӣ карда шавад».
Дар ҳамоиш як қатор кормандони Раёсати Агентӣ дар вилояти Хатлон бо «Сипоснома», медал ва рутбаҳои соҳавӣ қадрдонӣ гардиданд.
Ёдовар мешавем, ки бо ташаббуси Маҷмаи Умумии СММ аз соли 2004 9 декабр ҳамасола дар тамоми ҷаҳон Рӯзи байналмилалии мубориза бар зидди коррупсия таҷлил мегардад.
Фирӯза ДАВЛАТЗОДА,
АМИТ «Ховар»
АКС: шуъбаи иттилоотӣ ва таҳлилии дастгоҳи Раиси вилояти Хатлон
Дар Душанбе ҷаласаи мақомоти ҳифзи ҳуқуқ доир шуд
Президенти Тоҷикистон: «Ҳифзи сулҳи пойдор вазифаи муқаддаси ҳар фарди ҷомеа мебошад»
Дар Суғд ҷаласаи Шурои ҳамоҳангсози фаъолияти мақомоти ҳифзи ҳуқуқ доир шуд
Нақшаи даъвати баҳории шаҳрвандон ба сафи Артиши миллӣ 100 фоиз иҷро гардид
Ба сокинони шаҳри Роғун риояи талаботи қонунгузорӣ дар самти истифодаи самараноки неруи барқ фаҳмонида мешавад
Судяҳои Суди Олии Тоҷикистон дар форуми байналмилалӣ иштирок намуданд
Ҳайати Тоҷикистон дар ҷаласаи раисони судҳои олии давлатҳои аъзои Созмони ҳамкории Шанхай иштирок намуд
Оид ба татбиқи барномаҳои давлатии Тоҷикистон дар пешгирии экстремизм ва терроризм конфронси ҷумҳуриявӣ доир шуд
Дар Душанбе оид ба истифодаи технологияҳои ҳастаӣ ва бехатарии радиатсионӣ конференсияи байналмилалӣ доир шуд
Тоҷикистон ва Эрон нақша доранд ҳамкориро дар самти мубориза бо ҷинояткории муташаккили фаромиллӣ густариш диҳанд
Байни Тоҷикистон ва Қирғизистон оид ба рафъи ҳолатҳои фавқулода Ёддошти тафоҳум ба имзо расид
Дар Душанбе масъалаи арзёбии фаврӣ ва ҳамоҳангсозии ҳолатҳои фавқулода баррасӣ гардид
