Ҷавонони ватандӯсту шуҷои ноҳияи Деваштич ба хизмати ҳарбӣ равона гардиданд
ДУШАНБЕ, 03.04.2026 /АМИТ «Ховар»/. 1 апрел дар майдони Парчами давлатии ноҳияи Деваштич маросими ҷалби даъватшавандагони ихтиёрӣ ба сафи Қувваҳои Мусаллаҳи Ҷумҳурии Тоҷикистон баргузор гардид, хабар доданд ба АМИТ «Ховар» аз мақомоти иҷроияи ҳокимияти давлатии ноҳия.
Раиси ноҳияи Деваштич Ашуралӣ Ҷалилзода иброз намуд, ки имрӯзҳо аз ҷониби давлату Ҳукумати мамлакат дар ҷузъу томҳои Артиши миллӣ шароити зарурӣ барои буду бош, истироҳат ва машқу тамрини сарбозону афсарон муҳайё буда, рӯз то рӯз беҳтар мегардад.
Боиси ифтихор аст, ки имрӯз ҷавонони далеру шуҷоъ ва ватандӯсти диёр масъулият ва қарзи ҷавонмардиашонро хуб дарк намуда, ба таври ихтиёрӣ ба ҳифзи марзу буми Ватани азизамон раҳсипор гардиданд. Ин аз он шаҳодат медиҳад, ки волидайни ин ҷавонон фарзандонро дар руҳияи ватандӯстӣ тарбия намуда, барои ҳифзи истиқлолият ва сулҳу субот саҳм мегузоранд.
«Имрӯз ҷавонони бонангу номуси мо хуб дарк мекунанд, ки хизмат ба Ватан барои онҳо қарзи муқаддаси фарзандӣ ва рисолати мардонагист. Насли ҷавон дар сафи Қувваҳои Мусаллаҳи мамлакат хизмат намуда, муҳимтарин мактаби обутоби ҳаётро паси сар мекунанд. Маҳз дар ҳамин ҷо ҷавонписарон дарси шуҷоату мардонагӣ ва муҳофизат кардани хоки поки Ватанро меомӯзанд. Яъне, хизмати ҳарбӣ нишонаи равшани эҳсоси ватандӯстӣ, дарки зарурат ва аҳамияти ҳимояи манфиатҳои давлат ва халқи Тоҷикистон мебошад», — илова намуд раиси ноҳия.
Дар ҷамъомад раиси Ҷамоати деҳоти Росровут Раҳмон Шарифзода бо нишони сайёри «Беҳтарин ҷамоат оид ба иҷрои даъвати ҳарбӣ» ва нозирони ҷамоатҳои шаҳраку деҳот бо Сипоснома ва туҳфаҳои Мақомоти иҷроияи ҳокимияти давлатии ноҳияи Деваштич сарфароз гардиданд.
Инчунин аз тарафи Муассисаи давлатии «Мададгори мудофиаи Вазорати мудофиаи Ҷумҳурии Тоҷикистон» дар ноҳияи Деваштич ба даъватшавандагон шаҳодатномаи ронандагии дараҷаи «В» супорида шуд.
Чун анъана маросими нонгазони модарон ба ҷавонони ба хизмати ҳарбӣ равона доир гардид. Аз ҷониби бахши фарҳанги ноҳия барномаи рангини фарҳангию фароғатӣ пешкаш ва дастурхони идона ороста шуд.
АКС: Мақомоти иҷроияи ҳокимияти давлатии ноҳияи Деваштич
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
