Дар Тоҷикистон Озмоишгоҳи таҳқиқотӣ-сотсиологии фарҳанг ва воситаҳои ахбори омма ифтитоҳ ёфт
ДУШАНБЕ, 31.01.2023 /АМИТ «Ховар»/. Дар Донишкадаи давлатии фарҳанг ва санъати Тоҷикистон ба номи Мирзо Турсунзода Озмоишгоҳи таҳқиқотӣ-сотсиологии фарҳанг ва воситаҳои ахбори омма ифтитоҳ гардид. Ҳадаф аз таъсиси озмоишгоҳ- ба даст овардани корҳои сотсиологӣ — таҳқиқотӣ, истифодаи самараноки иқтидори моддӣ-техникӣ ва кадрии соҳаҳои фарҳанг, табъу нашр ва ҳамкорӣ бо воситаҳои ахбори омма мебошад, иттилоъ доданд ба АМИТ «Ховар» дар Вазорати фарҳанги мамлакат.
Ректори донишкада Муҳриддин Низомӣ иброз дошт, ки таъсиси марказҳои таҳқиқоти сотсиологӣ дар самти фарҳанг ҷиҳати омӯзиш ва таблиғи арзишҳои фарҳангӣ, таҳкими маънавиёти ҷомеа муҳим ва саривақтӣ буда, Ҳукумати мамлкат тӯли солҳои соҳибистиқлолӣ дар ин самт корҳои зиёди судманд ба анҷом расонидааст.
Ҳамчунин гуфта шуд, ки озмоишгоҳи мазкур метавонад дар татбиқи сиёсати фарҳангии Ҳукумати Ҷумҳурии Тоҷикистон, инчунин тарғиби арзишҳои фарҳангии даврони истиқлол, омӯзишу тарғиби мероси фарҳангии миллати қуҳанбунёд ва соҳибтамаддуни тоҷик ва дар ин рӯҳия тарбия намудани мутахассисони ояндаи соҳаи фарҳанг нақши бориз дошта бошад.
Вазифаҳои дигари он коркард, ҷамъоварӣ ва таҳияи маводи илмӣ оид ба соҳаҳои фарҳанг ва воситаҳои ахбори омма дар сатҳи муосири илмию техникӣ; омӯзиш, таҳлил ва пешниҳоди хулоса оид ба падидаҳои фарҳанг, васоити ахбори омма ва масоили ҷаҳонишавӣ дар асоси усулҳои илман асоснокшуда; коркард ва таҳияи лоиҳаву барномаҳои илмӣ, таҳқиқотӣ ва ҷамъиятӣ ё иштирок дар онҳо ҳамчун узви мустақил; ба роҳ мондани ҳамкории судманд бо Вазорати фарҳанги Ҷумҳурии Тоҷикистон, Пажӯҳишгоҳи илмӣ-таҳқиқотии фарҳанг ва иттилоот, дигар муассисаҳои соҳаи фарҳангу санъат ҷиҳати татбиқи сиёсати давлатӣ дар фарҳанг; таъмини ҳамкорӣ ва алоқаи илмӣ бо муҳаққиқон оид ба мавзуъҳои илмӣ ва таъмини сифати баланди ҳифзи корҳои илмӣ-таҳқиқотӣ дар самти фарҳангу санъат; ташкилу гузаронидан ва иштирок дар чорабиниҳои фарҳангӣ-сиёсӣ; таҳияи китобҳои дарсӣ, модулҳои таълимӣ ва дигар маводи чопӣ ҷиҳати баланд бардоштани сатҳу сифати мутахассисон ояндаи соҳаи фарҳангу санъат ва дигар самтҳо мебошад.
АКС: Вазорати фарҳанги ҶТ
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
