Кишоварзони Тоҷикистон соли гузашта бо 1664 адад техникаву таҷҳизот таъмин гардиданд
ДУШАНБЕ, 31.01.2023. /АМИТ «Ховар»/. Яке аз воситаҳои муҳими пешрафт дар соҳаи кишоварзӣ ин таъмин намудани хоҷагиҳои деҳқонӣ бо техникаву таҷҳизоти муосир мебошад. Соли 2022 ба хоҷагиҳои ҷумҳурӣ 1664 адад техникаву таҷҳизоти кишоварзӣ ворид гардид, ки дар муқоиса ба соли 2021, аз ҷумла 155 трактор зиёд аст. Аз ин шумора 775 ададро тракторҳои гуногунтамға ташкил медиҳанд. Дар ин хусус 30 январ дар нишасти матбуотии Вазорати кишоварзии Ҷумҳурии Тоҷикистон хабар дода шуд.
Таъкид гардид, ки кишту кори муваффақонаи зироати кишоварзӣ аз мавҷуд будани техника ва омодагии хуби он вобастагӣ дошта, ба ҳолати 1 январи соли 2023 дар ҳамаи шаклҳои хоҷагидории Тоҷикистон 27324 адад трактор мавҷуд мебошад. Аз ин теъдод 1534 ададро тракторҳои шудгоркунанда, 10356 адад испорҳои тракторӣ, 8640 адад ядакҳои тракторӣ ва дигар таҷҳизоти кишоварзӣ ташкил медиҳанд, ки 76 фоизи он дар ҳолати омодагӣ ба кор қарор доранд.
Иттилоъ дода шуд, ки аз ҷониби Корхонаи воҳиди давлатии ҷумҳуриявии «Тоҷикагролизинг» соли 2022 ба 343 хоҷагии деҳқонӣ (фермерӣ)-и шаҳру ноҳияҳои ҷумҳурӣ 153 адад трактори гуногунтамға ва 411 адад таҷҳизоти кишоварзӣ бо тариқи иҷораи молиявӣ (лизингӣ) дастрас карда шуд.
АКС: АМИТ «Ховар»
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
Дар Фурудгоҳи байналмилалии Душанбе кӯшиши ворид намудани рақами қалбакии давлатии воситаи нақлиёт ошкор гардид
Намояндагони Хадамоти обуҳавошиносии Корея бо фаъолияти Агентии обуҳавошиносии Тоҷикистон шинос шуданд
Намояндаи Тоҷикистон дар ҷаласаи Раёсати Шурои соҳибкории СҲШ дар Бишкек иштирок намуд
Дар Форуми сармоягузории СҲШ имкониятҳои сармоягузории Тоҷикистон муаррифӣ гардид
Иқтидорҳои гидроэнергетикии Тоҷикистон дар муколамаи панелии Форуми OPEC дар Вена муаррифӣ шуд
Дар ноҳияи Зафарабод беш аз 6 ҳазор гектар ғалладонагӣ кишт карда шудааст
Дар ноҳияи Зафаробод агрегати нави пойгоҳи обкашӣ васлу насб карда шуд
Дурнамои рушди муносибатҳои дуҷонибаи Тоҷикистон ва Бонки ҷаҳонӣ дар Вена баррасӣ гардид
