«МУҚОВИМАТ БА САВДОИ ОДАМОН: МУШКИЛОТ ВА МУЛОҲИЗАҲО». Дар Хоруғ таҳти ин унвон ҳамоиш доир шуд

Январь 21, 2023 09:01

ДУШАНБЕ, 21.01.2023 /АМИТ «Ховар»/. Дар Донишгоҳи давлатии Хоруғ ба номи Моёншо Назаршоев вобаста ба масъалаи хариду фурӯши одамон чун яке аз масъалаҳои мубрам ва доғи рӯзи ҷомеаи ҷаҳонӣ таҳти унвони « Муқовимат ба савдои одамон-мушкилот ва мулоҳизаҳо» ҳамоиш доир гардид. Дар ин бора АМИТ «Ховар» бо истинод ба Донишгоҳи давлатии Хоруғ хабар медиҳад.

Дар ҳамоиш зикр шуд, ки тибқи моддаи 5-и Конститутсияи Ҷумҳурии Тоҷикистон инсон, ҳуқуқ ва озодии он арзиши олӣ мебошад. Ҳаёт, қадр, номус ва дигар ҳуқуқҳои фитрии инсон дахлнопазиранд. Ҳуқуқу озодиҳои инсон ва шаҳрвандонро давлат эътироф, риоя ва ҳифз менамояд. Яке аз масъалаҳои муҳим, ки ба таъмини риояи ҳуқуқи инсон равона гардидааст, пешгирӣ ва муқовимат ба савдои одамон ба шумор меравад.

Муовини ректор оид ба тарбия Рушонгул Шофақирова иброз намуд, ки «сиёсати давлатӣ дар самти муқовимат бо савдои одамон бо дарназардошти вазъияти дохилӣ ва берунии муқовимат ба савдои одамон, ҳолати воқеӣ, тамоюл ва пешгирии афзоиши ин намуди ҷинояткорӣ, инчунин ҳолати расонидани кумак ба қурбониёни савдои одамон дар асоси қонунгузории Ҷумҳурии Тоҷикистон ва санадҳои меъёрию ҳуқуқии байналмилалии эътирофнамудаи Тоҷикистон ба мубориза бар зидди ҷинояткории муташаккилонаи фаромиллии савдои одамон ва расонидани кумак ба қурбониёни савдои одамон равона шудааст.

Ҷумҳурии Тоҷикистон низ барои муқовимат ва пешгирӣ намудани чунин ҷиноятҳо то имрӯз якчанд конвенсияву протоколҳо ба имзо расонида, бо созмонҳои байналхалқӣ ҳамкорӣ дорад».

Зимни ҳамоиш дар бораи «Одамрабоӣ ва оқибатҳои он» маълумоти мушаххаси илмӣ баён гардида, доир ба масъалаҳои инсон ҳамчун арзиши олӣ, пешгирии одамрабоӣ, муқовимат ба савдои одамон ва дигар масъалаҳои марбут ба он маълумот дода шуд.

Инчунин дар мавзӯъҳои «Савдои одамон- падидаи номатлуби ҷомеа», «Механизми кумак ба қурбониёни савдои одамон», «Пешгирии одамрабоӣ» маърузаҳо шунида шуд.

Акс: ДДХ

Январь 21, 2023 09:01

Хабарҳои дигари ин бахш

Дар пойгоҳи Донишкадаи ҳарбӣ масъалаи рушди илми низомӣ баррасӣ карда шуд
БЕМАСЪУЛИЯТИИ ВОЛИДАЙН. Дар Душанбе давоми чор сол аз ноболиғону наврасон шумораи зиёди силоҳи сард мусодира гардид
Сарбозони шаҳри Бӯстон ҳамсолони худро ба ҳимояи марзҳои муқаддаси Ватан даъват намуданд
Дар Ҳисор озмуни «Ватанпарвар» доир карда мешавад
ЭҲТИЁТ БОШЕД, ШАКЛИ НАВИ ДУЗДӢ! Дар Душанбе ҷавондухтареро барои тасарруфи маблағҳо аз ҳамёни электронӣ дастгир намуданд
Дар Хатлон барои наваскарон бурсҳои ройгон ташкил гардиданд
Дар роҳҳои мошингарди минтақаҳои кӯҳии Тоҷикистон хатари лағзиши тарма боқӣ мемонад
Дар машқгоҳи Лоҳур бо ҷалби афсарони ҷузъу томи муҳандисии қисмҳои ҳарбӣ ҷамъомад доир шуд
ТОЛИБОН ОМОДА НЕСТАНД. Коршинос шарҳ дод, ки чаро дар Афғонистон ҳукумати фарогир таъсис дода намешавад
Ҷинояткорони дар Тоҷикистон пинҳонгардида ба Қазоқистон истирдод карда шуданд
Ҳушдори Вазорати корҳои дохилии ҶТ ба ронандагон: бе таъмини сӯзишвории дизелии зимистона ва хушсифат ба роҳ набароед!
Хизматчиёни Артиши миллии Тоҷикистон дар машқгоҳи «Фахробод» ба малакаи касбӣ тақвият бахшиданд