Прокурори генералии Қазоқистон иттилоъ дод, ки нооромиҳои соли гузаштаро дар кишвар тамоми соли 2021 омода карда будаанд
ДУШАНБЕ, 06.01.2023 /АМИТ «Ховар»/. Ошӯбҳои оммавиеро, ки моҳи январи соли гузашта дар Қазоқистон рух доданд, тамоми тӯли соли 2021 тайёр карда будаанд. Тавре АМИТ «Ховар» бо истинод ба ТАСС хабар медиҳад, дар ин бора рӯзи панҷшанбе, 5 январ Прокурори генералии ин кишвар Берик Асилов (ДАР АКС) зимни баромади худ дар назди вакилони палатаи поёнии парлумон изҳор дошт.
«Тамоми соли 2021 ба таври пинҳонӣ иҷрочиён барои татбиқи чораҳои радикалӣ омода мешудаанд. Дар қатори иҷрочиён гурӯҳҳои муташаккили ҷиноӣ низ буданд. Онҳо одамонро ҷамъ ва бо силоҳ таъмин намуда, ратсия ва нақлиёт харидорӣ мекарданд. Тафтиш муайян кард, ки баъзе қувваҳои ҷудогона ин кори зарарнокро назорат кардаанд», — гуфт Асилов.
Аввали моҳи январ дар Қазоқистон ошӯбҳои оммавӣ ба вуқӯъ пайвастанд, ки иштирокчиёни он ба полис ва низомиён ҳамла карданд. Президенти кишвар Қосим-Ҷомарт Токаев онро кӯшиши табаддулот эълон карда, ба СААД барои кумак муроҷиат намуд. То 7 январ вазъ ба эътидол омада, аз 19 январ дар саросари кишвар вазъи фавқулода бекор карда шуд. Ба гуфтаи мақомот, дар натиҷаи ин ҳодисаҳо 238 нафар ба ҳалокат расида, беш аз 4,5 ҳазор нафар ҷароҳат бардоштанд.
Шаҳлои САДРИДДИН,
АМИТ «Ховар»
АКС: Аскар Ахметуллин
Дар Душанбе ҷаласаи ҳамоҳангсози сохторҳои қудратӣ ва мақомоти ҳифзи ҳуқуқ доир гардид
Дар 11 дидбонгоҳҳои сарҳадӣ ва қисмҳои ҳарбии ноҳияи Рӯшон чорабиниҳои гуногуни маърифатӣ баргузор шуд
Дар шаҳри Бӯстон ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Дар Ереван ҷаласаи 34-уми прокуророни генералии мамлакатҳои аъзои Иттиҳоди Давлатҳои Мустақил баргузор гардид
Дар Хуҷанд машварати дуюми дуҷонибаи котиботи Шурои амнияти Тоҷикистон ва Узбекистон доир гардид
Дар Ереван прокурорҳои генералии Тоҷикистон ва Арманистон тақвияти ҳамкориро баррасӣ намуданд
СОЛИ МАЪРИФАТИ ҲУҚУҚӢ. Дар Душанбе вобаста ба самти нотариат конфронси байналмилалӣ доир шуд
Ҷавонони ноҳияи Мастчоҳ бо амри дил азми хизмат ба Ватани соҳибистиқлол намуданд
Дар Хатлон марҳилаи дуюми амалиёти «Нелегал-2024» оғоз шуд
ДАЪВАТИ ТИРАМОҲӢ. 2200 нафар ҷавонони ватандӯсти вилояти Суғд ба хизмати ҳарбӣ гусел карда шуданд
ДАЪВАТИ ТИРАМОҲӢ. Ноҳияи Файзобод бо ҷавонони ватандӯсти худ ифтихор дорад
ҲИФЗИ МАРЗУ БУМИ ВАТАН МАРДОНАГИСТ! Беш аз 300 ҷавон аз шаҳри Турсунзода ба сафи Артиши миллӣ шомил гаштанд
