СБМ: Теъдоди бекорон дар ҷаҳон соли равон 3 миллион меафзояд
ДУШАНБЕ, 17.01.2023 /АМИТ «Ховар»/. Теъдоди бекорон соли 2023 дар ҷаҳон 3 миллион нафар афзоиш ёфта, ба 208 миллион мерасад, хабар дода шудааст дар гузориши нави Созмони байналмилалии меҳнат (СБМ). Дар ин бора АМИТ «Ховар» бо истинод ба Маркази иттилоотии СММ хабар медиҳад.
Тибқи арзёбии коршиносон, сатҳи баланди бекорӣ дар ҷаҳон 5,8% хоҳад буд. Дар баробари ин, шумораи бекорон назар ба рақамҳои пеш аз пандемия 16 миллион нафар зиёд мебошад.
Дар СБМ таваҷҷуҳ ба он ҷалб мегардад, ки коҳиши рушди иқтисодӣ дар ҷаҳон эҳтимол ба он оварда расонад, ки бисёриҳо маҷбур мешаванд шароити нисбатан мусоиди кориро бо маоши камтар ва набудани кафолатҳои иҷтимоӣ қабул кунанд. Ин нобаробариро зиёд мекунад, ки миқёси он аллакай дар вақти пандемияи коронавирус афзуда буд. Арзиши беист болоравандаи зиндагӣ шумораи бештари одамонро ба камбизоатӣ мебарад. Коршиносон ҳушдор медиҳанд, ки вазъияти дарёфти ҷойҳои кори муносиб имсол эҳтимол бадтар шавад.
Гуфта мешавад, ки паст шудани вазъ дар бозори меҳнат асосан ба афзоиши шиддати геополитикӣ, низоъ дар Украина ва нобаробарона барқарор шудани ҳолати кишварҳо пас аз пандемия вобаста аст. СБМ зикр мекунад, ки дар якҷоягӣ ин омилҳо барои таназзули иқтисодӣ (стагфлятсия) шароит фароҳам овардаанд, вақте ки таваррум афзоиш меёбад ва дар як вақт таназзули иқтисодӣ мушоҳида мешавад.
«Пастшавии суръати афзоиши шуғли ҷаҳонӣ маънои онро дорад, ки талафоти бар асари пандемия баамаломада то соли 2025 барқарор нахоҳад шуд»,- тазаккур дод яке аз муаллифони гузориш Ричард Саманс.
София ШОИК,
АМИТ «Ховар»
Акс: СБМ
Маркази миллии қонунгузорӣ: «Дар шаш моҳи соли равон 9 санади меъёрии ҳуқуқӣ аз экспертизаи ҳуқуқӣ гузаронида шуд»
Дар Тоҷикистон дар 3 соли охир 104 муассисаи томактабӣ, 276 толори варзишӣ ва 879 майдончаи варзишӣ бунёд карда шудааст
АЛОМАТҲОИ ОФТОБЗАНӢ КАДОМҲОЯНД? Мутахассисони соҳаи тиб ба ин суол посух доданд
Дар ноҳияи Рӯдакӣ бинои иловагии нозироти минтақавии ШВКД-1 ба истифода дода шуд
Дар шаҳри Ҳисор доир ба нақши занон дар рушди ҷомеа ҳамоиш доир гардид
Кумитаи ҳолатҳои фавқулода ва мудофиаи гражданӣ: «Дар ҳавои гарм либосҳои аз матои табиӣ пӯшед, бештар об нӯшед, мева ва ғизои сабук истеъмол кунед! »
ОГОҲИИ АГЕНТИИ ОБУҲАВОШИНОСӢ. Дар Тоҷикистон баландшавии ҳарорати ҳаво то 31 июл боқӣ мемонад
Таҷрибаи Тоҷикистон дар пешгирии Вируси норасоии масунияти одам дар конфронси байналмилалӣ матраҳ гардид
ТАЪМИНИ АМНИЯТИ ОЗУҚАВОРӢ. Кишоварзони Исфара ба ҷамъоварии гандум оғоз карданд
Дар Панҷакент дар масоҳати як гектар гармхонаи замонавӣ бунёд мегардад
Дар ноҳияи Кӯҳистони Мастчоҳ бинои нави маъмурии кумитаи идораи замин бунёд мешавад
Директори Агентии хизмати давлатӣ: «Аксарияти сомонаҳои мақомоти давлатии шаҳру ноҳияҳо аз ҷиҳати мазмуну муҳтаво ба талабот ҷавобгӯ нестанд»
