Соли 2022 дар вилояти Хатлон 40 лоиҳаи сармоягузории давлатӣ амалӣ шуд
ДУШАНБЕ, 11.01.2023 /АМИТ «Ховар»/. Дар соли 2022 бо дастгири Ҳукумати мамлакат дар соҳаҳои иқтисодӣ ва иҷтимоии шаҳру ноҳияҳои вилоят 40 лоиҳаи сармоягузории давлатӣ амалӣ шуда, маблағи азхудшуда 760 млн. сомониро ташкил медиҳад. Ин матлаб 10 январ зимни баргузории ҷаласаи ҷамъбасти натиҷаҳои рушди иҷтимоию иқтисодии вилояти Хатлон дар соли 2022, ки бо иштироки Сарвазири мамлакат Қоҳир Расулзода ва иҷрокунандаи раиси вилояти Хатлон Давлаталӣ Саид баргузор гардид, баён шуд.
Дар ҷаласа Сарвазири мамлакат Қоҳир Расулзода аз як қатор раисон, муовинон ва ташкилоту муассисаҳои дахлдор дар бораи сабабҳои ҷой доштани камбудиҳо дар ин шаҳру ноҳияҳо пурсон шуда, оид ба бартараф намудани онҳо ба масъулин дастуру супоришҳо дод. Мавсуф таъкид намуд, ки масъулин диқати хешро ҷиҳати иҷрои нақша, дурнамо, барномаҳои давлатӣ ва нишондиҳандаҳои соли 2023 равона намуда, ба дастовардҳои назарраси меҳнатӣ ноил гарданд.
Дар ҷаласа иттилоъ дода шуд, ки соли сипаригашта соҳибкорони вилоят дар 16 форуму намоишҳои тиҷоратӣ ширкат варзида, ҷиҳати ба роҳ мондани ҳамкории иқтисодию тиҷоратӣ 84 шартномаю ёдоштҳои тафоҳумро ба маблағи беш аз 4,3 млрд. сомонӣ ба имзо расониданд.
Дар вилояти Хатлон бо мақсади амалигардонии рушди устувори иҷтимоию иқтисодӣ дар тамоми шаҳру ноҳияҳои он «Барномаи рушди иҷтимоию иқтисодӣ барои солҳои 2021-2025» қабул ва мавриди амал қарор дода шудааст.
Дар асоси маълумоти оморӣ соли 2022 аз ҳудуди вилоят ба хориҷи кишвар 23,8 ҳазор тонна маҳсулоти соҳаи кишоварзӣ, аз ҷумла 20 ҳазор тонна таввасути нақлиёт ва тайёра, 3819 тонна бо тариқи роҳи оҳан ба берун аз ҷумҳурӣ, ба давлатҳои Федератсияи Россия, Афғонистон, Узбекистон, Туркия, Қазоқистон, Покистон ва Белорус содирот карда шуд.
Маҳсулотҳои содиротгардида асосан 6044 тонна сабзавот, аз ҷумла 4157 тонна пиёз, 330 тонна полезиҳо, 5038 тонна мевагиҳо ва лимон, 10863 тонна ангур ва 1528,3 тонна дигар маҳсулотро ташкил медиҳад.
Фирӯза ДАВЛАТЗОДА,
АМИТ «Ховар»
АКС: шубаи иттилоотӣ ва таҳлилии дастгоҳи Раиси вилояти Хатлон
Доир ба имконоти рушди устувор ва сайёҳии экологии Резервати биосферии «Ромит» конфронси илмӣ баргузор гардид
Иҷрои «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» натиҷагирӣ гардид
Дар вилояти Суғд ба маблағи беш аз 836 миллион доллар сармоягузории ватанию хориҷӣ ҷалб гардидааст
Воридоти панелҳои офтобӣ ба Тоҷикистон аз пардохти андоз аз арзиши иловашуда озод карда мешавад
Ғолибони озмуни «Ҷоизаи Ҳукумати Ҷумҳурии Тоҷикистон дар соҳаи сайёҳӣ» қадрдонӣ шуданд
Ҷаласаи муштараки кумитаи ҳамоҳангсози Амалиёт оид ба ислоҳоти андоз ва Шурои машваратии андозсупорандагон баргузор шуд
Дар Хадамоти гумруки Тоҷикистон иҷрои низоми иттилоотии АСИКУДА баррасӣ гардид
Дар Бадахшон маросими ҷоизасупорӣ ба фаъолони соҳаҳои саноат, ҳунармандӣ, сайёҳӣ ва занбӯриасалпарварӣ доир шуд
Соли 2026 Кодекси энергетикии Ҷумҳурии Тоҷикистон қабул мегардад
Лоиҳаи «Барномаи маърифат ва фарҳанги экологӣ барои солҳои 2026–2030» муаррифӣ гардид
БЕМАСЪУЛИЯТӢ ДАР ИСТИФОДАИ НЕРУИ БАРҚ. Корманди зеристгоҳи барқӣ қувваи барқро ғайриқонунӣ истифода менамояд
Иҷрои Барномаи рушди соҳаи механиконии инноватсионии кишоварзӣ баррасӣ гардид
