Созмони умумиҷаҳонии тандурустӣ аз доруҳои хатарноки ҳиндӣ ҳушдор дод
ДУШАНБЕ, 13.01.2023 /АМИТ «Ховар»/. Созмони умумиҷаҳонии тандурустӣ (СУТ) аз доруҳои хатарноки ҳиндӣ, ки боиси марги кӯдакон дар Узбекистон шудаанд, ҳушдор дод, хабар медиҳад АМИТ «Ховар» бо истинод ба ин созмон.
Гап дар бораи доруҳои моеъ, ба монанди Амбронол ва DOK-1 Maks, ки дар Ҳиндустон аз ҷониби Marion Biotech LTD истеҳсол мешаванд, меравад.
СУТ собит месозад, ки онҳо ба стандартҳои сифат ё мушаххасот мувофиқат намекунанд. Зеро то имрӯз истеҳсолкунанда ба СУТ кафолати бехатарӣ ва сифати ин маҳсулотро надодааст.
Зимни санҷиш дар ташхисгоҳи Вазорати тандурустии Узбекистон маълум гардид, ки намунаҳои ҳарду дору дар таркиби худ миқдори барзиёди диэтиленгликол ва/ё этиленгликол доранд.
Таъсири ин доруҳо метавонад ба дарди шикам, қайкунӣ, дарунравӣ, манъ гардидани қобилияти пешоб кардан, дарди сар, тағйирёбии ҳолати рӯҳӣ ва осеби шадиди гурдаҳоро дар бар гирад, ки метавонанд ба марг оварда расонанд.
СУТ аз муассисаҳои тиббии дахлдор даъват кардааст, ки назоратро пурзӯр намоянд ва дар занҷирҳои таъминот эҳтиёткор бошанд, инчунин ин маҳсулоти пастсифатро муайян ва аз муомилот хориҷ созанд, то ба беморон осеб нарасонанд.
Фирӯза ДАВЛАТЗОДА,
АМИТ «Ховар»
АКС аз манбаъҳои кушод
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
