ТАЪМИНИ АМНИЯТИ ОЗУҚАВОРӢ. Дар Рӯшон ба маблағи 2 миллион сомонӣ гармхонаҳо бунёд мегарданд
ДУШАНБЕ, 11.01.2023 /АМИТ «Ховар»/. Дар ноҳияи Рӯшони Вилояти Мухтори Кӯҳистони Бадахшон дар майдони зиёда аз 1,5 гектар замини кишт гармхонаҳо бо маблағи 2 миллион сомонӣ бунёд мегарданд. Дар ин бора АМИТ «Ховар» бо истинод ба Мақомоти иҷроияи ҳокимияти давлатии ноҳияи Рӯшон хабар медиҳад.
Гармхонаҳоро соҳибкори маҳаллӣ Ҳамдам Давлатмамадов бунёд намуда, баъд аз анҷоми корҳо дар он боз чанд нафар аз сокинони ноҳия соҳиби ҷойҳои нави корӣ мегарданд.
Зимни боздид аз марҳилаи бунёди гармхонаҳо муовини Раиси ВМКБ Умедҷон Носирзода ва Раиси ноҳия Фаррух Додхудо барои меҳнату заҳматҳои шабонарўзии соҳибкор ва бунёдкорон баҳои баланд доданд.
Дар робита ба ин Раиси ВМКБ Алишер Мирозонабот низ зимни машварати васеи назди Раиси вилоят ба ин масъала таваҷҷуҳ зоҳир намуда, зикр кард, ки дар натиҷаи андешидани тадбирҳои зарурӣ, ҷиҳати таъмини бозори истеъмолӣ бо маҳсулоти кишоварзӣ ба масъалаи бунёди гармхонаҳои нав диққати зарурӣ равона гардида, заминҳои бекорхобида, ки солиёни дароз аз гардиши кишоварзӣ берун монда буданд, дубора мавриди кишт қарор дода шуданд.
Инчунин тазаккур дода шуд, ки бо ташкили ҳавзҳои моҳидорӣ дар ноҳияҳои Рӯшону Шуғнон ва Роштқалъа ва дастрас намудани моҳӣ аз вилояти Суғд барои рушди минбаъдаи ин соҳа такони ҷиддӣ хоҳад бахшид.
Зимнан бояд гуфт, ки амалигардонии як қатор лоиҳаҳои муҳими сармоягузорӣ дар соҳаҳои роҳсозӣ, энергетика оғоз гардида, дар ин росто раванди бунёдкорӣ, аз ҷумла сохтмони иншооти таъйиноти гуногуни аҳамияти иқтисодию иҷтимоӣ дошта дар шаҳр ва ноҳияҳои вилоят вусъати тоза пайдо кард.
Ҳамзамон Раиси вилоят аз хусуси омодагии муассисаҳои соҳаҳои иқтисодию иҷтимоӣ ба зимистон, таҳкими заминаҳои моддию техникии муассисаҳои тандурустӣ, бунёди бунгоҳ ва марказҳои саломатӣ, муассисаҳои таҳсилоти ҳамагонӣ ва томактабӣ, истиқболи арзанда аз ҷашни 35-солагии Истиқлолияти давлатии Ҷумҳурии Тоҷикистон, тавсеаи ҳамкории оила, мактаб ва ҷомеа, бунёди корхонаҳои саноатӣ ва паркҳои технологӣ дар доираи солҳои 2022 – 2026 эълон гардидани «Солҳои рушди саноат» ва дигар самтҳо дар назди раисони шаҳру ноҳияҳо ва масъулини дахлдор вазифаҳои мушаххас гузоштанд.
София ШОИК,
АМИТ «Ховар»
АКС: МИҲД ВМКБ / Рӯшон
РАВАНДИ ОБИ ДУШАНБЕ. Президенти Тоҷикистон пешниҳод намуданд, ки «Чаҳорчӯби Душанбе барои об» таъсис дода шавад
Ҳоким Холиқзода бо муовини якуми Президенти Бонки аврупоии таҷдид ва рушд Марк Боуман мулоқот намуд
Кормандони Агентии авиатсияи гражданӣ дар Осорхонаи миллӣ бо мероси таърихию фарҳангии ниёгон шинос шуданд
Ҳайати Тоҷикистон дар Форуми байналмилалии M360 Eurasia 2026 масъалаҳои рушди рақамиро баррасӣ намуд
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Татбиқи лоиҳаҳои иҷтимоию иқтисодӣ дар Тоҷикистон бо Бонки аврупоии таҷдид ва рушд баррасӣ гардид
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
