Вазорати кишоварзӣ: «Имтиёзҳои фароҳамоварда ба рушди соҳаи моҳипарварӣ дар Тоҷикистон мусоидат намуданд»
ДУШАНБЕ, 31.01.2023. /АМИТ «Ховар»/. Агар соли 2021 дар Тоҷикистон 363 хоҷагии моҳипарварӣ фаъолият мекард, дар айни замон шумораи онҳо ба 372 адад расидааст, яъне соли 2022 дар муқоиса ба соли пешин хоҷагиҳо ба миқдори 9 адад зиёд гардидаанд. Масоҳати майдони ҳавзҳои моҳипарварӣ низ васеъ гардида, аз 2715 гектар ба 2744 гектар расонида шудааст. Ин иттилоъ дирўз, 30 январ зимни нишасти матбуотии Вазорати кишоварзии Ҷумҳурии Тоҷикистон дода шуд.
Масъулин изҳор доштанд, ки баҳри рушди соҳаи моҳипарварӣ дар ҷумҳурӣ аз ҳисоби маблағҳои Барномаи маҷмўавӣ аз ҶДММ Корпоратсияи «Моҳии Тоҷик» 200000 дона моҳичаҳо харидорӣ гардида, ба хоҷагиҳои моҳипарварии Вилояти Мухтори Кўҳистони Бадахшон, вилоятҳои Суғду Хатлон ва шаҳру ноҳияҳои тобеи ҷумҳурӣ дастрас карда шуд.
Дар нишаст гуфта шуд, ки баҳри рушди соҳа, баланд бардоштани савияи дониш ва табодули таҷрибаи кормандони хоҷагиҳои моҳипарварӣ моҳи июни соли 2022 дар ҳамкорӣ бо Мақомоти иҷроияи ҳокимияти давлатии вилояти Суғд дар заминаи ҶДММ «Амина-К»-и ноҳияи Б.Ғафуров ва хоҷагии моҳипарварии «Рахшона»-и ноҳияи Ашт, инчунин хоҷагии гулмоҳипарварии ҶДММ Корпоратсия «Моҳии Тоҷик» машғулиятҳои илмию амалӣ баргузор гардиданд. Ҳамчунин соли сипаригашта дар шаҳри Ваҳдат низ машғулияти омўзишӣ дар мавзўи «Пешгирӣ намудани бемориҳои сироятии гулмоҳӣ» гузаронида шуд.
Таъкид гардид, ки шурӯъ аз соли 2017 то инҷониб ба обанборҳои Норак, Бойғозӣ, Сангтӯда-1 ва Сангтӯда-2 ба миқдори 2 миллиону 125 ҳазор кирминамоҳӣ сар дода шудаанд, ки ин иқдом ҷиҳати афзун намудани ҳаҷми истеҳсоли маҳсулоти парҳезӣ ҳамасола ба роҳ монда мешавад.
Ёдовар мешавем, ки қабули «Барномаи рушди соҳаи моҳипарварӣ» барои панҷ соли минбаъда ба хоҷагидорону соҳибкороне, ки майл ба соҳаи моҳипарварӣ доранд, имконияти хубе фароҳам овард. Онҳо аз имтиёзҳои фароҳамнамудаи Ҳукумати кишвар ба соҳаи мазкур ва дастгириҳои бевоситаи Президенти мамлакат муҳтарам Эмомалӣ Раҳмон ҳавасманд шуда, ҷиҳати васеъ намудани майдони хоҷагиҳои моҳипарварӣ тадбирҳои зарурӣ меандешанд.
Рухсораи НУР,
АМИТ «Ховар»
АКС: АМИТ «Ховар»
Дар Форуми сиёсии сатҳи баланд оид ба рушди устувори СММ мавқеи Тоҷикистон оид ба рушди устувор муаррифӣ шуд
Дар Душанбе Машварати чоруми вазирони саноати давлатҳои аъзои Созмони ҳамкории иқтисодӣ доир мешавад
Дар шаҳри Сиани Чин ҳамоиши соҳибкорони вилояти Суғд ва музофоти Шэнсӣ баргузор гардид
НИШАСТИ МАТБУОТӢ. Дар нимсолаи якуми соли 2026 ба Тоҷикистон 889,4 ҳазор сайёҳи хориҷӣ омадааст
Аз Тоҷикистон ба маблағи беш аз 40 миллион доллар маҳсулоти кишоварзӣ содирот шудааст
Дар ноҳияи Шуғнон беш аз 720 оилаи занбӯри асал парвариш карда мешавад
35-СОЛАГИИ ИСТИҚЛОЛИ ДАВЛАТӢ. Дар Душанбе Озмоишгоҳи нави ҷумҳуриявии санҷиши сифати маҳсулоти кишоварзӣ ба истифода дода мешавад
Ҳамкории вилояти Суғд бо ширкатҳои чинӣ густариш меёбад
НИШАСТИ МАТБУОТӢ. Молу маҳсулоти Тоҷикистон дар 17 намоишгоҳи дохилию байналмилалӣ муаррифӣ гардид
Дар Тоҷикистон дар беш аз 3 ҳазор гектар ҷангалзор бунёд ва барқарор карда шуд
Дар доираи Барномаи давлатии рушди соҳаи геология 259 кони дорои захираҳои саноатӣ ба қайд гирифта шуд
ҲУКУМАТИ ЭЛЕКТРОНӢ ВА ҲУКУМАТИ РАҚАМӢ. Мулоҳизаҳо оид ба фарқияти он
