Дар Душанбе маросими ҷоизасупорӣ ва ҳавасмандгардонии варзишгарони Вазорати мудофиа доир гардид
ДУШАНБЕ, 03.02.2023. /АМИТ «Ховар»/. Дар «Кохи афсарон» маросими ҷоизасупорӣ ва ҳавасмандгардонии варзишгарони Вазорати мудофиаи Ҷумҳурии Тоҷикистон, ки бо иштирок дар 53 мусобиқаи ҷумҳуриявию байналмилалӣ дар соли 2022 сазовори 141 медал гардидаанд, баргузор шуд. Дар ин хусус ба АМИТ «Ховар» дар Вазорати мудофиаи мамлакат хабар доданд.
Дар маросим масъулини Вазорати мудофиаи ҷумҳурӣ варзишгаронро барои ноил гардидан ба натиҷаҳои беҳтарин дар мусобиқаҳои шаҳрӣ, ҷумҳуриявӣ ва байналмилалӣ табрик намуда, иброз доштанд, ки саҳми Клуби марказии варзишии «Артиш» дар баланд бардоштани маҳорати варзишии хизматчиёни ҳарбӣ, рушди камолоти шахсият, тарғиби тарзи ҳаёти солим, таҳким бахшидани дӯстию рафоқат, байни ҷавонон бурдани ташвиқот бар зидди истеъмолу муомилоти ғайриқонунии маводи мухаддир, пешгирӣ намудани насли ҷавони мамлакат аз гаравидан ба ҳар гуна ҳизбу ҳаракатҳои террористиву экстремистӣ хеле назаррас аст.
Дар идомаи маросим афсарону сарбозон ва хизматчиёни давлатии Вазорати мудофиаи мамлакат барои дастовардҳои беҳтарини варзишӣ дар соли сипаригардида бо медалу сипоснома ва мукофоти пулӣ қадрдонӣ карда шуданд.
Тазаккур дода шуд, ки воқеан, варзиш қисми муҳими фарҳанги умумибашарӣ ва қосиди сулҳу амонӣ буда, ба таҳкими саломатӣ ва инкишофи қобилияти ҷисмониву маънавии инсон, хусусан ҷавонон мусоидат мекунад. Варзиш на танҳо тарзи ҳаёти солим, балки масъулияти баланд ва дастоварди беназир барои ҳар фард, ҷомеа, миллат ва давлат буда, дар баробари дигар соҳаҳои ҳаёти мо ҳамеша дар рушду такомул аст.
АКС: Вазорати мудофиаи ҶТ
Котиби Шурои амнияти Тоҷикистон Юсуф Раҳмон бо Котиби давлатии Шурои амнияти Ҷумҳурии Беларус Александр Волфович мулоқот намуд
Котиби Шурои амнияти Тоҷикистон бо Мушовири Шурои амнияти миллии Ҷумҳурии Ироқ мулоқот намуд
Дар вилояти Хатлон 128 ҳодисаи садамавии роҳу нақлиёт ба қайд гирифта шуд
Дар ҷаласаи Шурои вазирони мудофиаи давлатҳои аъзои СААД ҳамкорӣ дар соҳаи ҳарбӣ баррасӣ карда шуд
Котиби Шурои амнияти Тоҷикистон дар Вохӯрии 13-уми байналмилалии намояндагони баландмақоми бахши амният иштирок намуд
Аз 29 то 31 май дар Душанбе ҳаракати воситаҳои нақлиёт муваққатан маҳдуд карда мешавад
«ЗАМИН», «МАРЗ» ВА «ВАТАН» — УНСУРҲОИ МУҚАДДАС ВА ҲАЁТАН МУҲИМ. Ба Рӯзи Қӯшунҳои сарҳадӣ бахшида мешавад
Дар Бадахшон 31-солагии таъсиси Қӯшунҳои сарҳадӣ таҷлил гардид
Мубориза ба муқобили терроризми байналмилалӣ масъалаи афзалиятноки замони муосир аст
«КОРВОНИ ДИДОР». Модарон дар қисмҳои ҳарбӣ бо шароити хизмати фарзандон шинос мешаванд
Дар Душанбе ду далели вайрон намудани қоидаҳои истифодаи неруи барқ ошкор карда шуд
Дар Душанбе ҷаласаи Шурои роҳбарони ниҳодҳои амниятӣ ва хадамоти махсуси кишварҳои аъзои Иттиҳоди Давлатҳои Мустақил оғоз шуд
