Дар шаҳрҳои Кӯлоб ва Хуҷанд ҳамоиши гирандагони Стипендияи президентӣ доир гардид
ДУШАНБЕ, 28.02.2023. /АМИТ «Ховар»/. Дар шаҳри Кӯлоб ҳамоиши гирандагони Стипендияи Президенти Ҷумҳурии Тоҷикистон дар минтақаи Кӯлоб таҳти унвони «Пайравони Пешвои миллатем» баргузор гардид. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Дар ҳамоиш таъкид карда шуд, ки таваҷҷуҳи пайвастаи Пешвои миллат муҳтарам Эмомалӣ Раҳмон ба насли ояндасози мамлакат — ҷавонон рӯз аз рӯз афзун мегардад. Намунаи олитарини ин таваҷҷуҳ таъсиси якчанд имтиёзҳо, аз ҷумла таъсиси Стипендияи президентӣ барои хонандагон ва донишҷӯёни муассисаҳои таҳсилоти миёнаи умумии ибтидоӣ ва миёнаи касбӣ мебошад, ки соли 2022 теъдоди стипендия аз 400 нафар ба 3000 нафар дар ҷумҳурӣ расонида шуда, маблағи он низ боло бурда шуд.
Дар идомаи ҳамоиш аз ҷониби гирандагони Стипендияи президентӣ ба Пешвои миллат барои қадрдонии сатҳи баланд изҳори миннатдорӣ карда шуд. Масъулин ба таври тантанавӣ ба гирандагони Стипендияи президентӣ шаҳодатнома ва маблағи стипендияро супориданд.
Чунин ҳамоиш дар шаҳри Хуҷанд низ доир гардид, ки дар он гирандагони Стипендияи президентӣ аз шаҳру ноҳияҳои Айнӣ, Истаравшан ва шаҳри Хуҷанд иштирок намуданд.
Зимнан таъкид карда шуд, ки таъсиси Стипендияи президентӣ барои хонандагон ва донишҷӯёни муассисаҳои таҳсилоти миёнаи умумӣ, ибтидоӣ ва миёнаи касбӣ бо мақсади ҳавасманд намудани онҳо ба илму донишомӯзӣ, бахусус омӯзиши илмҳои дақиқ равона гардидааст.
Дар охир дар вазъияти тантанавӣ ба гирандагони Стипендияи президентӣ шаҳодатнома ва маблағи он супорида шуд. Аз ҷавонон даъват карда шуд, ки ҳамчун пайравони асили Пешвои миллат дар омӯзишу фаъолияти ҷамъиятӣ намунаи ибрат бошанд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
1 ноябр хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Ҷаласаи ситоди даври чоруми Озмуни ҷумҳуриявии «Илм – фурӯғи маърифат» баргузор гардид
Дар Донишгоҳи технологии Тоҷикистон раванди озмоишии модулҳои таълимии лоиҳаи Донишгоҳи кушодаи инноватсияҳо дар озуқаворӣ гузаронида шуд
Дар Донишгоҳи давлатии Кӯлоб дар мавзуи масъалаҳои мубрами забоншиносӣ ва тарҷумашиносӣ конференсияи байналмилалӣ баргузор шуд
Дар Академияи идоракунии давлатӣ барномаҳои стипендиявии Лаҳистон муаррифӣ гардиданд
Дар Донишгоҳи технологии Тоҷикистон татбиқи лоиҳаҳоии CirculEC ва OFINU баррасӣ шуд
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Байни Донишгоҳи давлатии омӯзгории Тоҷикистон ва Донишгоҳи миллии илмҳои компютерӣ ва рушдёбандаи Покистон созишномаи ҳамкорӣ ба имзо расид
Академияи идоракунии давлатии Тоҷикистон бо ширкати «Really English»-и Британия ҳамкорӣ менамояд
Вазири маориф ва илми Тоҷикистон дар Конгресси якуми ҷаҳонӣ оид ба таҳсилоти фарогир дар Алмато иштирок намуд
Тоҷикистону Қирғизистон дар самти такмили ихтисоси кормандони соҳаи маориф Ёддошти тафоҳум ба имзо расониданд
