Дар Шаҳринав марҳилаи дуюми сохтмони бинои Маркази омода намудани наҷотдиҳандагон оғоз меёбад
ДУШАНБЕ, 08.02.2023 /АМИТ«Ховар»/. Имсол марҳилаи дуюми сохтмони Маркази тайёр намудани наҷотдиҳандагон, воқеъ дар ноҳияи Шаҳринав ва дар заминаи он ба истифода додани марказҳои омодасозии ғаввосон ва кинологҳо оғоз мегардад. Чунин иттилоъ дода шуд ба хабарнигорон 7 феврал зимни нишасти матбуотии Кумитаи ҳолатҳои фавқуолода ва мудофиаи граждании назди Ҳукумати Ҷумҳурии Тоҷикистон.
Иброз гардид, ки марказ барои омода намудани наҷотдиҳандагон, баланд бардоштани маҳорат ва малакаи касбии онҳо, инчунин омӯхтани таҷрибаи пешқадами ҷаҳон дар самти огоҳӣ, пешгирӣ ва бартараф намудани ҳолатҳои фавқулода, расонидани ёрӣ ба аҳолии зери хавфмонда мусоидат менамояд.
Ҳамзамон иттилоъ дода шуд, ки маркази мазкур дар Осиёи Марказӣ ягона буда, барои омода намудани наҷотдиҳандагон дар самти бартараф намудани ҳолатҳои фавқулодаи дорои хусусияти табиӣ, такмили донишҳои касбӣ ва бозомомӯзии онҳо кумак мерасонад.
Ёдовар мешавем, ки 5 июли соли 2022 дар Душанбе дар доираи лоиҳаи Дафтари Созмони амният ва ҳамкории Аврупо бо дастгирӣ ва маблағгузории Иттиҳоди Аврупо ва давлати Фаронса барои омода намудани наҷотдиҳандагон марҳилаи якуми сохтмони бинои Маркази тайёр намудани наҷотдиҳандагон ба итмом расид.
Дар нишасти матбуотӣ инчунин гуфта шуд, ки соли 2022 бо мақсади омӯзиш ва бозомӯзии кадрҳо, инчунин баланд бардоштани малакаи онҳо бо истифода аз таҷрибаи давлатҳои пешрафта оид ба масъалаҳои пешгирӣ ва рафъи оқибатҳои офатҳои табиӣ 248 нафар хизматчиёни ҳарбии Кумита дар 65 семинар, конфронсҳо, курсҳои такмили ихтисос иштирок намуданд. Дар робита ба ин соли гузашта се нафар шаҳрвандони Тоҷикистон ба Академияи ҳифзи шаҳрвандии Вазорати ҳолатҳои фавқулодаи Федератсияи Русия дар самти омӯзиши «Бехатарии техносфера» (бахши «ҳифз дар ҳолатҳои фавқулода») дохил шуданд. Ҳоло дар ин донишгоҳ 5 афсари Кумита ва 14 курсант таҳсил мекунанд, ки пас аз хатми он ба Ватан баргашта, фаъолияташонро идома медиҳанд.
София ШОИК,
АМИТ «Ховар»
АКС: АМИТ «Ховар»
Кумакҳои Пешвои миллат Эмомалӣ Раҳмон ба сокинони зарардидаи шаҳри Кӯлоб расонида шуданд
Даври ҷумҳуриявии Фестивал-озмуни «Як матову сад ранг» ва намоиш-фурӯши маҳсулоти ҳунармандӣ доир мешавад
5 май дар баъзе минтақаҳои Тоҷикистон сар задани сел дар назар аст
Ғолибони даври ниҳоии Олимпиадаи ҷумҳуриявии донишҷӯёни муассисаҳои таҳсилоти миёнаи касбӣ қадрдонӣ карда шуданд
Дар Кӯлоб бо мақсади бартарафсозии оқибатҳои офати табиӣ ҷаласаи навбатии ситоди вилоятӣ доир гардид
Дар Кӯлоб бо иштироки Сарвазири Тоҷикистон ҷаласаи Ситоди ҷумҳуриявӣ баргузор шуд
Бо супориши Президенти Ҷумҳурии Тоҷикистон муҳтарам Эмомалӣ Раҳмон Сарвазири Тоҷикистон Қоҳир Расулзода ба шаҳри Кӯлоб сафар намуд
ОГОҲӢ. Дар баъзе шаҳру ноҳияҳои Тоҷикистон то 4 май хавфи сар задани сел боқӣ мемонад
Дар шаҳри Кӯлоб дар пайи бориши пай дар пай сел омада, ба хонаҳои сокинон хисорот расид
Собиқадори хизмати давлатӣ Тоҳир Рашид: «Обод намудани Ватан ибодат ва аз гӯшаи имон аст»
Дар Душанбе густариши ҳамкории Тоҷикистону Покистон дар соҳаи меҳнат ва касбомӯзӣ баррасӣ гардид
Тоҷикистон ва Бавария ҳамкориро дар самти таҳсилоти касбӣ густариш медиҳанд
