Дар Тоҷикистон даври дуюми омӯзишӣ оид ба масунияти аҳолӣ нисбат ба сирояти COVID-19 гузаронида мешавад
ДУШАНБЕ, 16.02.2023 /АМИТ «Ховар»/. Аз 15 то 19 феврал дар Тоҷикистон тадқиқоти миллии даври дуюми омӯзишӣ оид ба масунияти аҳолӣ нисбат ба сирояти COVID-19 гузаронида мешавад. Дар ин хусус ба АМИТ «Ховар» дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд.
Гуфта шуд, ки тадқиқоти миллӣ аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар заминаи Пажӯҳишгоҳи тиббӣ-профилактикии Тоҷикистон дар якҷоягӣ бо Пажӯҳишгоҳи илмӣ-тадқиқотии эпидемиология ва микробиологияи ба номи Л.Пастери Хадамоти федеролии Роспотребнадзори Федератсияи Русия доир карда мешавад.
Барои иштирок дар тадқиқоти мазкур шаҳрвандон метавонанд ба марказҳои саломатии маҳали зисташон дар шаҳри Душанбе- марказҳои саломатии шаҳрии №1,8,9,10,12,13 ва 14, дар шаҳри Турсунзода ба Муассисаи кумаки аввалияи тиббию санитарӣ, дар шаҳри Ваҳдат ба Маркази назорати давлатии санитарию эпидемиологӣ ва беморхонаи марказӣ, дар шаҳри Ҳисор ба Маркази назорати давлатии санитарию эпидемиологӣ, дар вилояти Хатлон ба Маркази вилоятии назорати давлатии санитарию эпидемиологии шаҳрҳои Бохтар ва Кӯлоб, дар вилояти Суғд ба Маркази вилоятии назорати давлатии санитарию эпидемиологӣ ва кумаки аввалияи тиббию санитарӣ шаҳри Хуҷанд, дар шаҳри Панҷакент ба Муассисаи кумаки аввалияи тиббию санитарӣ ва Маркази назорати давлатии санитарию эпидемиологӣ, дар шаҳри Истаравшан ба Муассисаи кумаки аввалияи тиббию санитарӣ ва Маркази назорати давлатии санитарию эпидемиологӣ ва дар шаҳри Исфара ба Муассисаи кумаки аввалияи тиббию санитарӣ ва Маркази назорати давлатии санитарию эпидемиологӣ муроҷиат намоянд.
Бақайдгирӣ дар назарсанҷӣ дар баъзе шаҳру навоҳии мамлакат ба таври электронӣ сурат мегирад. Ташхис барои муайян намудани масунияти шаҳрвандон нисбат ба сирояти COVID-19 ройгон мебошад.
Агар доир ба масъалаи мазкур савол дошта бошед, ба рақами 511- Маркази зиддибуҳронӣ оид ба масъалаҳои вобаста ба COVID-19 муроҷиат намуда, маълумоти дақиқ дастрас намоед.
АКС: Вазорати тандурустӣ ва ҳифзи иҷтимоии аҳолии
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
Барои гирифтор нашудани кӯдакон ба бемории дарунравӣ чӣ бояд кард?
«ПЕШВОИ МИЛЛАТ – ТАШАББУСКОР ВА ТАҲКИМБАХШИ СУЛҲУ ВАҲДАТИ ҶАҲОНӢ». Дар Душанбе конференсияи ҷумҳуриявӣ баргузор шуд
ОГОҲӢ! Аз 19 то 22 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
ҚОНУНИ АВФ. Давлат ба ҳазорон шаҳрванд имконият медиҳад ба назди оилаҳои худ баргашта, ҳуқуқи худро ба зиндагии арзанда амалӣ созанд
Дар Душанбе оид ба тамоюлҳои рушди маориф дар давлатҳои ИДМ конфронси байналмилалӣ баргузор шуд
Дар ноҳияи Фирдавсӣ барои фаъолони ҳизб машғулияти омӯзишӣ доир гардид
Дар доираи лоиҳаи идоракунии раванди обшавии пиряхҳо ба Агентии обуҳавошиносӣ таҷҳизоти муосир дастрас карда шуд
