Дар Зеландияи Нав бар асари тӯфони тропикӣ 23 нафар бедарак шуд

ДУШАНБЕ, 24.02.2023 /АМИТ «Ховар»/. Полиси Зеландияи Нав натавонист мавқеи ҷойгиршавии 23 нафарро, ки бар асари раъду барқ ​​ва обхезии дар натиҷаи тӯфони тропикии Габриел рухдода бедарак шуд, муайян кунад. Тавре АМИТ «Ховар» бо истинод ба ТАСС иттилоъ медиҳад, дар ин хусус 24 феврал полис хабар додааст.

«Шабонарӯзи гузашта полис 443 тадбири пешгирикунанда гузаронид. Дар ин муддат мо 526 занг, аз ҷумла 15 огоҳӣ оид ба ҳодисаи дуздӣ ва 2 хабар доир ба рабудани  мошинҳоро қабул кардем. 13 нафар барои қоидавайронкуниҳои гуногун боздошт карда шуд»,  —  хабар доданд мақомоти ҳифзи ҳуқуқ.

Тӯфони тропикии «Габриэл»,  ки дар Ҷазираи шимолии Зеландияи Нав ба амал омад, боиси обхезию ярч дар ноҳияҳои ҷанубу шарқӣ ва  марказии он гардид. 11 нафар ҳалок шуда, 23 нафари дигар бе дарак маҳсуб мешаванд.  Зиёда аз 10 ҳазор нафар одамон аз нуқтаҳои аҳолинишини зериобмонда кӯчонида шуда, қариб 250 ҳазор нафар сокинони ҷазира чанд рӯз бе қувваи барқ ва алоқа монданд.

 Азиза ДАДАБОЕВА,
АМИТ «Ховар»

АКС аз манбаъҳои боз