Дастаи мунтахаби ҷавонони Тоҷикистон (U-20) бо дастаи Сурия бозиҳои дӯстона баргузор мекунад

ДУШАНБЕ, 17.02.2023. /АМИТ «Ховар»/. 21 ва 24 феврал дар Варзишгоҳи марказии шаҳри Ҳисор байни дастаҳои ҷавонони Тоҷикистон ва Сурия бозиҳои дӯстона баргузор карда мешаванд. Рақобатҳо соати 16:00 оғоз мегарданд. Дар ин хусус ба АМИТ «Ховар» дар Федератсияи футболи Тоҷикистон хабар доданд.

Бозиҳои мазкур дар доираи омодагӣ ба марҳилаи ниҳоии Ҷоми Осиё-2023 баргузор гардида, дар он дастаи  мунтахаби ҷавонони Тоҷикистон (U-20) бо ҳамсолони худ аз Сурия ду бозии дӯстона анҷом медиҳад.

Бояд гуфт, ки дар қисми ниҳоии Ҷоми Осиё-2023, ки аз 1 то 18 март дар Узбекистон баргузор карда мешавад, дастаи мунтахаби ҷавонони Тоҷикистон (U-20) дар гурӯҳи «С» бо дастаҳои миллии Урдун (2 март), Уммон (5 март) ва Кореяи Ҷанубӣ (8 март) вомехӯрад.

Бозиҳои дӯстона

 21 феврал (сешанбе)
 Оғоз – соати 16:00

ТОҶИКИСТОН (U-20) –  Сурия (U-20)

 Ҳисор, Варзишгоҳи марказӣ

  24 феврал (ҷумъа)
 Оғоз – соати 16:00

ТОҶИКИСТОН (U-20) –  Сурия (U-20)

 Ҳисор, Варзишгоҳи марказӣ

АКС: Федератсияи футболи Тоҷикистон