ФУТБОЛ. Дар Душанбе марҳилаи якуми курсҳои мураббигӣ барои довталабони иҷозатномаи «С» оғоз гардид

ДУШАНБЕ, 24.02.2023 /АМИТ «Ховар»/. Дар шаҳри Душанбе дар доираи барномаи конвенсияи мураббиёни Конфедератсияи футболи Осиё даврҳои омӯзишии мураббигӣ барои дарёфти сертификати «С» оғоз гардиданд. Дар ин хусус ба АМИТ «Ховар» дар Федератсияи футболи Тоҷикистон хабар доданд.

Даври омӯзиширо дастурдиҳандаи Конфедератсияи футболи Осиё Боир Игамбердиев ва ёварони ӯ- дастурдиҳандагони  Федератсияи футболи Тоҷикистон Субҳон Хоҷамов ва Алифбек Беромов мегузаронанд.

Тибқи барнома, даврҳо аз ду марҳила иборатанд. Марҳилаи якум аз 22 то 28 феврал идома меёбад. Сипас довталабони иҷозатномаи «С» дар дастаҳо таҷрибаомӯзӣ мегузаранд. Марҳилаи дуюми курсҳо аз 11 то 17 март баргузор мешавад.

Содатшо Бодуров, Абдухалил Боронов, Комрони Мирзохон, Шерзод Набиев, Тоҳир Саримсоқов, Екатерина Исаева, Беҳзод Шодиев, Фирӯз Қаҳҳоров, Ҷаҳонгир Мирзоев, Фурқат Ашӯров, Дилшод Давлатов, Муҳаммадрофеъ Азимов, Улуғбек  Орипов, Муҳаммад Махатов, Бахтовар Изатов, Файзиддин Ҳусейнов ва Комрон Ҳусейнов барои сертификати  дараҷаи «С» довталаб ба ҳисоб мераванд.

Барномаи курсҳои мураббигӣ дарсҳои назариявӣ ва амалиро дар бар мегирад. Дар охир довталабон имтиҳон  месупоранд.

АКС: Федератсияи футболи Тоҷикистон