Имрӯз байни дастаҳои ҷавонони Тоҷикистон ва Сурия бозии дӯстонаи дуюм доир мегардад

ДУШАНБЕ, 24.02.2023 /АМИТ «Ховар»/. Дар доираи омодагӣ ба Ҷоми Осиё-2023 дастаҳои мунтахаби ҷавонони то 20-солаи Тоҷикистон ва Сурия имрӯз, 24 феврал бозии дӯстонаи дуюмашонро анҷом медиҳанд. Дар ин хусус ба АМИТ «Ховар» дар Федератсияи футболи Тоҷикистон хабар доданд.

Вохӯрӣ дар Варзишгоҳи марказии шаҳри Ҳисор сурат гирифта, соати 16:00 оғоз мешавад. Даромад ба варзишгоҳ ройгон аст.

21 феврал бозии дӯстонаи якум байни дастаҳои мунтахаби ҷавонони то 20-солаи Тоҷикистон ва Сурия баргузор шуд.

Вохӯрӣ бо пирӯзии дастаи Сурия – 1:0 анҷом ёфт

Бояд гуфт, ки дар қисми ниҳоии Ҷоми Осиё-2023, ки аз 1 то 18 март дар Узбекистон баргузор карда мешавад, дастаи мунтахаби ҷавонони Тоҷикистон (U-20) дар гурӯҳи «С» бо дастаҳои миллии Урдун (2 март), Уммон (5 март) ва Кореяи Ҷанубӣ (8 март) вомехӯрад.

АКС: Федератсияи футболи Тоҷикистон