Нақлиёт бо 10 нафар мусофир аз умқи панҷметра ба самти рӯди Шоҳдара берун оварда шуд
ДУШАНБЕ, 15.02.2023 /АМИТ «Ховар»/. 14 феврал дар километри 8-уми роҳи мошингарди Хоруғ – Роштқалъа нақлиёти мусофиркашӣ бо даҳ нафар мусофир дар натиҷаи фаромадани тарма ба умқи панҷметраи соҳили рӯди Шоҳдара фурӯ рафт. Хушбахтона, дар ин ҳодиса талафоти ҷонӣ набуд ва ҳамаи мусофирон бо ҷароҳатҳои гуногун ба бемористон интиқол дода шуданд, иттилоъ доданд ба АМИТ «Ховар» дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон.
Гуфта шуд, ки наҷотдиҳандагони Раёсати Кумитаи мазкур дар Вилояти Мухтори Кӯҳистони Бадахшон ва дастаи имдодгарони ихтиёрии Хазинаи Оғохон оид ба зистгоҳ ба зудӣ ба ҷойи ҳодиса расиданд. Маълум карда шуд, ки ҳамаи мусофирон зиндаву саломатанд, вале ҷароҳатҳои гуногун бардоштаанд.
Нақлиёти мазкур аз ҷониби сокини 36-солаи деҳаи Риҷести Ҷамоати деҳоти Тусёни ноҳияи Роштқалъа идора мешуд ва аз шумори 10 нафар мусофирон ду нафар зан будаанд.
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бори дигар аз ронандагони мошинҳо хоҳиш мекунад, ки ҳангоми сафар дар роҳҳои кӯҳӣ эҳтиёткор бошанд. Сокинон низ дар ин рӯзҳо бояд аз сафарҳои бидуни зарурат ба мавзеъҳои тармахез муваққатан худдорӣ намоянд.
АКС: Кумитаи ҳолатҳои фавқулода ва мудофиаи гражданӣ
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
