Намояндаи Тоҷикистон дар Анҷумани байналмилалии илм ба таври маҷозӣ иштирок намуд

Февраль 14, 2023 18:39

ДУШАНБЕ, 14.02.2023 /АМИТ«Ховар»/. Намояндаи Тоҷикистон дар Анҷумани байналмилалии илм бахшида ба солгарди 8-уми Рӯзи байналмилалии занон ва духтарон дар илм, ки дар қароргоҳи Созмони Милали Муттаҳид доир гардид, ба таври маҷозӣ иштирок намуд. Дар ин хусус АМИТ «Ховар» бо истинод ба Кумитаи кор бо занон ва оилаи назди Ҳукумати Ҷумҳурии Тоҷикистон хабар дод.

Дар он тибқи тартиби муқарраргардида Раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода сухан гуфт.

Созмондиҳандагони асосии Анҷумани 8-ум намояндагиҳои доимии давлатҳои Чили, Антигуа, Малта, Лаҳистон, Португалия, Филиппин, Руанда, Словакия ва Испания дар Созмони Милали Муттаҳид мебошанд.

Анҷумани мазкурро намояндагони доимии Тоҷикистон, Антигуа, Барбуда, Андорра, Ангола, Арманистон, Австрия, Баҳамас, Бангладеш, Колумбия, Коста-Рика, Ҷумҳурии Доминикано, Гвинеяи экваторӣ, Финляндия, Фаронса, Руминия, Корея, Сан-Марино, Словения, Танзания ва Туркия дар Созмони Милали Муттаҳид, ҳамчунин Конфронси Созмони Милали Муттаҳид оид ба тиҷорат ва рушд (UNCTAD), Иттиҳоди байналмилалии телекоммуникатсионӣ (ITU) ва Созмони ҷаҳонии моликияти зеҳнӣ (WIPO) сарпарастӣ менамоянд.

Мавзӯъ ва ҳадафи Анҷумани 8-ум навоварӣ, рушд, болоравӣ, пешрафт ва устуворӣ буда, ба сиёсатгузорон дар ҳамаи сатҳҳо ҷиҳати дар оянда таҳким бахшидан ба иртибот байни илм, сиёсат ва ҷомеа мусоидат менамояд.

Таваҷҷуҳи асосии Анҷуман ба нақши занону духтарон ва илм дар раванди бозбинии Ҳадафҳои рушди устувор, хусусан ба Форуми сатҳи баланд, Ҳадафҳои рушди устувор 6, 11 ва 17 равона гардида, дар баробари он пайгирии муҳокимаҳои чорабиниҳои «Об моро муттаҳид месозад», Конфронси дуюми байналмилалии «Даҳсолаи амал об барои рушди устувор, 2018-2028», дуввумин Конфронси Созмони Милали Муттаҳид оид ба уқёнус, Конфронси оби ин Созмон-2023 ва дигар форумҳои Созмони мазкур саҳм мегузорад.

Ҳамзамон дар доираи анҷуман 11 феврал аз ҷониби Кумитаи кор бо занон ва оилаи назди Ҳукумати Ҷумҳурии Тоҷикистон таҳти унвони «Саҳми занони ихтироъкор дар соҳаи илм» бо иштироки бонувони ихтироъкор, аспирантону магистрон, устодону донишҷӯёни муассисаҳои таҳсилоти олии касбии мамлакат ҳамоиш доир гардид.

Ҳамзамон 24 феврал баргузории Конференсияи илмӣ-ҷумҳуриявии «Саҳми занон дар рушди илм», ки ҳамасола дар ҳамкорӣ бо Академияи миллии илмҳои Тоҷикистон доир мегардад, дар назар аст.

АКС: Кумитаи кор бо занон ва оилаи назди Ҳукумати Ҷумҳурии Тоҷикистон

Февраль 14, 2023 18:39

Хабарҳои дигари ин бахш

Ҳамкории Кумитаи таҳсилоти ибтидоӣ ва миёнаи касбии Тоҷикистон бо муассисаҳои таҳсилоти касбии Шоҳигарии Арабистони Саудӣ баррасӣ шуд
Ҳамкории Тоҷикистон ва Иёлоти Муттаҳидаи Амрико дар соҳаи тандурустӣ баррасӣ шуд
Намояндагони ноҳияи Исмоили Сомонӣ ва як гурӯҳ модарон ба дидорбинии сарбозон рафтанд
«САҲМИ ЗАНОН ДАР РУШДИ ИЛМИ МУОСИР». Дар Душанбе конференсияи даҳуми илмӣ-ҷумҳуриявӣ доир шуд
60 ГРАНТИ ПРЕЗИДЕНТИ ТОҶИКИСТОН. Ҳунармандон метавонанд соҳиби ин грантҳо шаванд
Дар ноҳияи Синои шаҳри Душанбе озмуни шаҳрии «Кадбонуи беҳтарин» баргузор шуд
Наҷотдиҳандагони Кумитаи ҳолатҳои фавқулода ва мудофиаи граждании Тоҷикистон се нафарро аз зери тарма бароварданд
ДАСТГИРИИ ГУРӮҲҲОИ ОСЕБПАЗИРИ АҲОЛӢ. Соли 2023 корманди шуъбаҳои хизматрасонии иҷтимоӣ дар хона ба 5619 нафар ниёзманд хизмат расониданд
Соли 2023 дар вилояти Хатлон 71 ҳазору 512 ҷойи нави кор таъсис ёфт
БАРНОМАИ МОБИЛИИ «SOS». Онро Кумитаи ҳолатҳои фавқулода ва мудофиаи гражданӣ дар вазъияти фавқулода истифода менамояд
«ҶАВОНОН — ПАЙРАВИ ПЕШВОИ МИЛЛАТ». Донишҷӯёни фаъоли муассисаҳои олии мамлакат малакаи роҳбарӣ ва муошират меомӯзанд
ҲАР СОЛ ТАЪСИСИ ЗИЁДА АЗ 100 ҲАЗОР ҶОЙҲОИ КОРИИ НАВ. Соли гузашта 230 ҳазору 747 ҷойи нави корӣ, иловагӣ ва барқароршуда ба ҳисоб гирифта шудааст