Олимони тоҷик 28 патенти хурди Ҷумҳурии Тоҷикистон барои ихтироъ ба даст оварданд

Февраль 8, 2023 11:59

ДУШАНБЕ, 08.02.2023 /АМИТ «Ховар»/. Соли 2022 аз тарафи олимони Академияи миллии илмҳои Тоҷикистон  28 патенти хурди Ҷумҳурии Тоҷикистон барои ихтироъ ва 15 қарори мусбат оид ба додани патенти хурди Ҷумҳурии Тоҷикистон барои ихтироъ, ҳамчунин 5 шаҳодатнома оид ба сабти давлатии захираҳои иттилоотӣ ба даст оварда шуд. Барои истифодаи амалӣ дар истеҳсолот беш аз 20  коркард ва таклифу тавсияҳои олимони Академияи миллии илмҳои Тоҷикистон пешниҳод гардиданд. Дар ин хусус имрӯз зимни нишасти матбуотӣ президенти Академияи миллии илмҳои Тоҷикистон Фарҳод Раҳимӣ иттилоъ дод.

Фарҳод Раҳимӣ оид ба фаъолияти илмӣ ва илмию ташкилии Академияи миллии илмҳои Тоҷикистон изҳор дошт, ки “соли 2022  олимони  Академияи миллии  илмҳо таҳқиқотро аз рӯйи 114 мавзӯъ, аз ҷумла 71 мавзӯи илмӣ-таҳқиқотии бунёдӣ, 16  мавзӯи илмӣ-таҳқиқотии амалӣ ва 27 мавзӯи илмӣ-таҳқиқотии бунёдию амалӣ идома дода, натиҷаҳои назаррас ба даст оварданд”.

Дар соҳаи физикаю техника технологияи истеҳсоли кристаллҳои сунъӣ, ғанӣ гардонидани сангҳои қиматбаҳо ва аз партовҳои минералӣ ҳосил намудани кристаллҳо коркард гардид. Аз ҷумла, бо усули кристаллизатсияи сунъӣ аз партовҳои Кӯҳи Лаъл якумин маротиба кристалли шпинел- лаъл, ки шафофи сурхчатоб аст, ҳосил карда шуд.

Дар самти омӯзиши масъалаҳои об, гидроэнергетика ва экология муқаррар карда шудааст, ки иншооти ирригатсионӣ дар ҳавзаи Зарафшон имконият медиҳанд, ки НБО-ҳои хурд ба таври илова дар як сол зиёда аз 11,4 млн. кВт/соат энергияи электрикӣ истеҳсол намоянд. Барои кам кардани сарбории тобистонаи шабакаҳои мутамарказ аз ҳисоби обёрӣ ва дигар истеъмолкунандагон соле ҳамагӣ 5 моҳ– аз моҳи май то сентябр ба кор андохтани НБО-ҳои хурд пешбинӣ шудааст.

Инчунин зимни нишаст иттилоъ дода шуд, ки  дар давраи ҳисоботӣ аз ҷониби кормандони муассисаҳои илмии Академияи миллии илмҳои Тоҷикистон қариб 3400 кори илмӣ, аз ҷумла беш аз 200 китобу монография, маҷмуаҳои илмӣ, брошюра, тавсиянома, 3170 мақолаҳои илмӣ ва илмию оммавӣ, аз онҳо 2830 мақола дар маҷаллаҳои илмии ҷумҳурӣ, 230 мақолаи илмӣ дар маҷаллаҳои мамлакатҳои Иттиҳоди Давлатҳои Мустақил ва қариб 110 мақола дар маҷаллаҳои давлатҳои хориҷи дур ба нашр расиданд.

АКС: АМИТ «Ховар»

Февраль 8, 2023 11:59

Хабарҳои дигари ин бахш

ҶАҲОНИШАВИИ ҲИФЗИ ПИРЯХҲО. Доир ба саҳми Пешвои миллат дар пешниҳоди ташаббусҳои глобалӣ дар Донишгоҳи техникии Тоҷикистон ҳамоиш баргузор гардид
Донишгоҳи миллии Тоҷикистон аз аккредитатсияи байналмилалӣ мегузарад
Маркази миллии тестӣ дар шаҳру ноҳияҳои дурдасти Тоҷикистон нуқтаҳои бақайдгирии сайёр таъсис додааст
РУШДИ МАОРИФ. Дар Хатлон ду мактаби нав дари худро ба рӯи хонандагон боз намуд
«ЭРУДИТҲОИ САЙЁРА-2023». 2 хонандаи Тоҷикистон дар олимпиадаи байналмилалӣ соҳиби ҷойи сеюм шуд
ТАШАББУСҲОИ ҶАҲОНИИ ПРЕЗИДЕНТИ ТОҶИКИСТОН. Доир ба ин мавзуъ дар Душанбе ҳамоиши байналмилалӣ баргузор гардид
Дар Донишгоҳи байналмилалии сайёҳӣ ва соҳибкории Тоҷикистон Наврӯз хотирмон ҷашн гирифта шуд
Дар Донишгоҳи миллии Тоҷикистон толору озмоишгоҳи технологияҳои компютерӣ ба истифода дода шуд
«APНO 2023» ВА «EUPHO 2023». Дар Душанбе даври дуюми интихобӣ-ниҳоии олимпиадаи байналмилалӣ баргузор мешавад
«Пиряхҳои Тоҷикистон – манбаи обҳои зулоли Осиёи Марказӣ». Таҳти чунин унвон дар Донишгоҳи миллии Тоҷикистон ҳамоиш доир шуд
Бахшида ба Наврӯз дар Гимназияи №1 барои хонандагони болаёқати шаҳри Душанбе барномаҳои омӯзишӣ баргузор шуданд
КОНФЕРЕНСИЯИ ДУЮМИ БАЙНАЛМИЛАЛИИ СММ ОИД БА ОБ. Вобаста ба он «Паёми Донишгоҳи миллии Тоҷикистон. Бахши илмҳои иҷтимоӣ-иқтисодӣ ва ҷамъиятӣ» нашр шуд