ПАНҶСОЛАИ РУШДИ САНОАТ. Дар шаҳри Ҳисор Минтақаи саноатӣ ташкил карда мешавад
ДУШАНБЕ, 08.02.2023 /АМИТ «Ховар»/. Дар доираи эълон гардидани Солҳои рушди саноат (2022-2026) дар Ҷумҳурии Тоҷикистон дар шаҳри Ҳисор дар масоҳати 12 гектар Минтақаи саноатӣ ташкил карда мешавад. Дар ин хусус имрӯз Раиси шаҳри Ҳисор Қосим Роҳбар зимни нишасти матбуотӣ ба хабарнигорон иттилоъ дод.
Мавсуф гуфт, ки таъсиси Минтақаи саноатӣ дар доираи татбиқи яке аз ҳадафҳои стратегии мамлакат- саноатикунонии босуръати иқтисодиёти ҷумҳурӣ дар ҳамкорӣ бо Вазорати саноат ва технологияҳои нави Ҷумҳурии Тоҷикистон тибқи Нақшаи генералии шаҳри Ҳисор ба роҳ монда шуда, дар он 20 корхонаи саноатии муосир ташкил карда мешавад.
Бо натиҷагирӣ аз раванди рушди иқтисодию иҷтимоии шаҳри Ҳисор дар соли сипаригардида Роҳбар Қосим иброз намуд, ки Мақомоти иҷроияи маҳаллии ҳокимияти давлатии шаҳри Ҳисор барои дар амал татбиқ намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, амалигардонии Ҳадафҳои рушди устувор, афзалияти Стратегияи миллии рушди Ҷумҳурии Тоҷикистон барои давраи то соли соли 2030 фаъолиятро ба роҳ мондааст.
Соли 2022 суръати рушди ҳаҷми истеҳсоли маҳсулоти минтақавӣ 110,8 фоиз ва нақшаи қисми даромади буҷети шаҳр 100,5 фоиз иҷро гардида, бақияи қарзи андоз 900 ҳазор сомонӣ кам карда шуд. Ба ин васила иҷрои супориши Президенти Тоҷикистон дар маҷлиси ҷамъбастии Ҳукумати Ҷумҳурии Тоҷикистон таъмин гардид.
Таъкид карда шуд, ки рушди саноат дар шаҳри Ҳисор соли гузашта 120,7 фоиз, кишоварзӣ- 104,3 фоиз, хизматрасониҳои пулакӣ- 112,5 фоиз, гардиши савдо- 104,6 фоиз, маблағгузорӣ ба соҳаи сохтмон- 106,5 фоиз таъмин карда шуд. Инчунин музди меҳнати як корманд аз 8 то 25 фоиз зиёд гардида, маблағи пасандози аҳолӣ ба миқдори 10 миллион сомонӣ афзоиш ёфта, соли гузашта 46,2 миллион сомониро ташкил дод.
Раиси шаҳри Ҳисор дар нишасти матбуотӣ ба саволҳои намояндагони воситаҳои ахбори омма доир ба рушди самтҳои дигари соҳаҳои иқтисодию иҷтимоии шаҳр, нақшаю дурнамо барои ба шаҳри муосири саноатӣ табдил додани Ҳисор, омодагӣ ва дар сатҳи баланд таҷлил намудани ҷашни 35-солагии Истиқлоли давлатии Тоҷикистон посух дод.
Марзия САИДЗОДА,
АМИТ «Ховар»
АКС: АМИТ «Ховар»
Пешвои миллат Эмомалӣ Раҳмон дар шаҳри Истиқлол марҳилаи дуюми корхонаи металлургии ҶДММ «Ширкати кӯҳии Тоҷикистону Чин»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Гулистон ба фаъолияти истеҳсолии корхонаи азими саноати маъдантозакунии Адрасмон оғоз бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров ба фаъолияти коргоҳи нави орди ҶДММ «Ирода Инвест» оғоз бахшиданд
Сарвари давлат Эмомалӣ Раҳмон дар ноҳияи Бобоҷон Ғафуров ба фаъолияти коргоҳи истеҳсолии равғани ҶДММ «Анқо-инвест» оғоз бахшиданд
Дар вилояти Суғд беш аз 1300 корхонаи саноатӣ фаъолият менамоянд
Дар Панҷакент коргоҳи коркарди қуму шағал ва истеҳсоли бетон ба истифода дода шуд
Дар Сеул байни вазоратҳои саноати Тоҷикистон ва Корея санади ҳамкорӣ ба имзо расонида шуд
Дар Сеул байни вазоратҳои саноати Тоҷикистон ва Ҷумҳурии Корея Ёддошти тафоҳум ба имзо расонида шуд
Дар Сеул ҷаласаи вазирони саноати Ҷумҳурии Корея ва кишварҳои Осиёи Марказӣ баргузор шуд
ТОҶИКИСТОН ВА ДУРНАМОИ РУШДИ САНОАТИ КӮҲӢ-МЕТАЛЛУРГӢ: аз захираҳои табиӣ то технологияҳои муосир
Сарвари давлат Эмомалӣ Раҳмон корхонаи фаръии истеҳсоли шарбати Саноати хӯроквории минтақаи Раштро мавриди истифода қарор доданд
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
