Президенти Туркия ба ҷомеаи ҷаҳон барои кумак дар рафъи оқибатҳои заминларза изҳори миннатдорӣ намуд
ДУШАНБЕ, 15.02.2023 /АМИТ «Ховар»/. Туркия ҳеҷ гоҳ иқдоми дӯстона ва дастгирии ҷомеаи ҷаҳонро пас аз заминларзаҳои харобиовар дар вилоятҳои ҷанубии мамлакат, ки ҳафтаи гузашта рух доданд, фаромӯш намекунад. Тавре АМИТ «Ховар» бо истинод ба «Синхуа» иттилоъ медиҳад, дар ин хусус 14 феврал президенти Туркия Реҷеп Тайип Эрдоган изҳор дошт.
«Мехоҳам бори дигар дар ҳузури шумо ба ҳамаи давлатҳои дӯсту бародар, ки шабу рӯз барои мамлакати мо кумак ҷамъоварӣ намуда, амалиёти ҷустуҷӯ ва наҷотдиҳии моро бо фиристодани неруҳои худ дастгирӣ карданд, ташаккур гӯям»,- баён дошт Реҷеп Тайип Эрдоган.
«Мо ҳеҷ гоҳ ин дастгирии дӯстонаи шуморо, ки дар ин замони душвор ба мо расид, фаромӯш нахоҳем кард»,- илова намуд ӯ.
«Туркия аз беш аз 100 давлат паёмҳои ҳамбастагӣ қабул кард»,-иброз намуд президент ва илова кард, ки ин офат бори дигар муҳимияти ҳамбастагии байналмилалиро нишон дод.
Дар Туркия 6 феврал ду зилзилаи пуриқтидор бо шиддати 7,7 ва 7,6 балл рух дод. Мувофиқи суханҳои президенти Туркия, таконҳо то 500 километри минтақаро фаро гирифта, ба 10 музофот таъсир расониданд, ки дар онҳо 13,5 миллион нафар зиндагӣ мекунанд.
«Бо назардошти шаҳрҳои наздик ба минтақаи офати табиӣ, ки дар он ҷо низ ларзишҳо ба амал омаданд, то 20 миллион нафар аз заминларза зарар диданд»,- баён дошт Реҷеп Тайип Эрдоган.
«Аз рӯи арзёбии олимон, қуввае, ки дар натиҷаи ин заминҷунбӣ ба амал омадааст, ба қувваи 500 бомбаи атомӣ баробар аст. Мо шоҳиди яке аз бузургтарин офатҳои табиӣ на танҳо дар таърихи мамлакатамон, балки тамоми инсоният мебошем», — гуфт президент.
Реҷеп Тайип Эрдоган ишора кард, ки ҳукумати Туркия насби хаймаҳо, ва хонаҳои тайёр барои одамони бар асари заминларза зарардида суръат бахшидааст. Ҳамзамон амалиёти ҷустуҷӯӣ ва наҷотдиҳӣ, инчунин корҳо оид ба рафъи монеаҳо идома доранд,-гуфт президент ва илова намуд, ки гурӯҳҳои наҷотдиҳӣ беш аз 8000 нафарро аз харобаҳо зинда берун бароварданд.
Азиза ДАДАБОЕВА,
АМИТ «Ховар»
АКС аз манбаъҳои боз
Палатаи поёнии парлумони Беларус дар ҳайати пурра интихоб гардид
Қатар барои шаҳрвандони Тоҷикистон раводидро бекор намуд
Прабово Субианто дар интихоботи президенти Индонезия пирӯз гардид
Директори генералии Созмони ҷаҳонии тандурустӣ Тедрос Аданом Гебрейесус изҳор намуд, ки ҷаҳон ба пандемияи нав омода нест
Александр Стубб дар интихоботи президентии Финландия пирӯз шуд
Дар интихоботи президентии Озарбойҷон Илҳом Алиев бо гирифтани 92,05% овози интихобкунандагон пешсаф мебошад
Теъдоди ҳалокшудагон бар асари сӯхтори ҷангал дар Чили ба 131 нафар расид
Имрӯз дар Озарбойҷон интихоботи ғайринавбатии президентӣ баргузор мешавад
Олжас Бектенов сарвазири нави Қазоқистон таъйин шуд
Дар Озарбойҷон пеш аз баргузории интихоботи президентӣ рӯзи хомӯшӣ эълон гардидааст
Бо сабаби барфи зиёд дар минтақаи Токио 1,8 ҳазор манзил бе барқ мемонанд
ТУРКИЯ ФАЛОКАТИ АСРРО БА ҲАМРАЪЙИИ АСР ТАБДИЛ ДОД. Имрӯз аз заминларзаи шадиди Туркия як сол сипарӣ гардид
