Шаби гузашта дар километрҳои аз 52 то 67-уми роҳи Душанбе — Чаноқ 10 тармаи хурду миёна фаромад
ДУШАНБЕ, 17.02.2023 /АМИТ «Ховар»/. Шаби 16 феврал аз километри 52 то 67-уми роҳи Душанбе — Чаноқ боз 10 тармаи хурду миёна фаромад. Дар айни замон ҳаракати тамоми намуди нақлиёт дар ин роҳ қатъиян манъ карда шудаст. Дар ин хусус АМИТ «Ховар» бо истинод ба филиали «Инновейтив Роуд Солюшнз ЛТД» дар Ҷумҳурии Тоҷикистон хабар медиҳад.
Гуфта шуд, ки субҳи имрӯз бартарафсозии тармаҳо идома ёфта, бо ин мақсад теъдоди зарурии техникаҳо сафарбар гардид. Ҳоло роҳбарияти филиали мазкур, масъулини Бозрасии давлатии автомобилии Вазорати корҳои дохилии Ҷумҳурии Тоҷикистон ва Кумитаи ҳолатҳои фавқулода ва мудофиаи гражданӣ дар маҳалли тармафароӣ — минтақаи Варзоб қарор доранд.
Баъзе шаҳрвандон дар бобати ҳаҷми тармаҳои дар роҳи мазкур фаромада маълумоти кофӣ надоранд. Аз ин рӯ таъкид гардидааст, ки вазъият бениҳоят вазнин буда, илова ба тармафароӣ резиши кӯҳпораҳо низ ба гузариши нақлиёт монеа эҷод карда истодааст.
16 феврал роҳ қариб аз тарма тоза карда шуда, имкони иҷозат додани ҳаракати яксамта мавҷуд буд. Вале бо назардошти хавфи зиёд роҳбарияти филиали ширкат дар ҳамоҳангӣ бо сохторҳои мазкур аз ин кор худдорӣ намуд. Дар баробари кушода шудани роҳ ҳатман маълумот пешниҳод карда мешавад.
Агентии обуҳавошиносии Тоҷикистон итттилоъ додаааст, ки то 19 феврал дар ҷумҳурӣ ҳавои абрнок пешгӯӣ шуда, дар водиҳо борон, дар ноҳияҳои кӯҳӣ борон ва барф ба амал меояд. Рӯзона дар баъзе ноҳияҳо борони бошиддат дар назар аст. 20-21 феврал дар мамлакат ҳавои тағирёбандаи бебориш пешгӯӣ мешавад.
АКС: Филиали «Инновейтив Роуд Солюшнз ЛТД» дар Ҷумҳурии Тоҷикистон
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
БОЙГОНӢ — ГАНҶИНАИ БЕБАҲОИ МИЛЛАТ. Ба Рӯзи байналмилалии бойгонӣ бахшида мешавад
Дар Душанбе татбиқи технологияҳои рақамӣ дар соҳаи таҳсилоти касбӣ бо ширкати Чин баррасӣ шуд
Қонун «Дар бораи танзими ҷашну маросим дар Ҷумҳурии Тоҷикистон» — тадбири намунавӣ дар байни мардумони кишварҳои Осиёи Марказӣ
Тоҷикистонро моҳи аввали фасли тобистон чӣ гуна ҳаво интизор аст?
Муассисаҳои таҳсилоти ибтидоӣ ва миёнаи касбии Тоҷикистон бо озмоишгоҳҳои муосири таълимӣ таъмин гардиданд
Таҳкими ҳамкорӣ дар самти рушди ғизои мактабӣ бо намояндагони Барномаи озуқавории ҷаҳонии СММ баррасӣ гардид
