Теъдоди ҳалокшудагони заминларза дар Туркия ба 5894 нафар расид
ДУШАНБЕ, 08.02.2023 /АМИТ «Ховар»/. Дар Туркия теъдоди ҳалокшудагон бар асари заминларзаи харобиовар ба беш аз 5,8 ҳазор нафар расид. Тавре АМИТ «Ховар» бо истинод ба ТАСС хабар медиҳад, дар ин бора ноиби президенти Туркия Фуат Октай рӯзи чоршанбе зимни пахши мустақими шабакаҳои телевизионии маҳаллӣ иттилоъ дод.
«Мутаассифона, мо маҷбурем, ки боз дар бораи ҳалокшудагон хабар диҳем. Теъдоди онҳо зиёд шуд. Ҳоло 5894 нафар ҳалок шуда, 34 810 каси дигар осеб дидаанд. Шумораи биноҳои харобшуда бетағйир аст (5775, — тавзеҳи АМИТ «Ховар»)», — гуфт ӯ.
Бино ба гуфтаи Фуат Октай, дар минтақаи офати табиӣ 16 139 нафар наҷотдиҳандагон, аз ҷумла мутахассисони хориҷӣ кор мекунанд.
«Наҷотдиҳандагони хориҷӣ омада истодаанд. Онҳо низ ба корҳои ҷустуҷӯӣ ва наҷотдиҳӣ ҷалб карда мешаванд», — илова кард ӯ.
Шаби оянда, ба иттилои Фуат Октай, тасмим гирифта шуд, ки неруи бештар ба бартараф кардани харобаҳои Қаҳрамонмараш, Хатай ва Адияман сафарбар карда шавад. Ин минтақаҳо аз заминларза бештар зарар дидаанд ва вазъ дар онҷо мушкил боқӣ мемонад.
Қаблан вазири тандурустии Туркия Фаҳреттин Коҷа дар бораи ҳалок шудани 5434 нафар ва маҷрӯҳ гардидани 31 777 нафар хабар дода буд.
АКС аз манбаъҳои боз
Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд
Пешгӯиҳои ҳарорат барои соли 2050 аз соли 2025 оғоз мегарданд
Коршиносони ИДМ лоиҳаи Нақшаи чорабиниҳо бахшида ба 35-солагии Иттиҳодро мувофиқа намуданд
Бинобар гармии рекордӣ дар Чин талабот ба неруи барқ ба нуқтаи баландтарин расид
Хисороти аз офатҳои табиӣ расида дар Чин аз 7,5 миллиард доллар зиёд шуд
Гармои шадид дар Испания дар ду моҳи охир сабаби марги 1180 нафар гардид
Бар асари боронҳои мавсимӣ ва обхезии шадид дар Покистон 104 нафар ҳалок гардид
Бархе аз минтақаҳои Аврупоро гармои шадид фаро гирифт
Бар асари фаромадани ярч ва обхезӣ дар шимоли Ҳиндустон 51 нафар ҳалок гардид
Созмони ҷаҳонии тандурустӣ чораҳои муҳофизат аз гармии тобистонро пешниҳод менамояд
