Ҳамкории Тоҷикистон бо Қатар ва Ҷумҳурии Корея дар муқовимат ба муомилоти ғайриқонунии маводи нашъаовар баррасӣ карда шуд
ДУШАНБЕ, 16.03.2023 /АМИТ «Ховар»/. Дар ҳошияи иҷлосияи 66-уми Комиссияи Созмони Милали Муттаҳид (СММ) оид ба маводи нашъаовар дар шаҳри Вена Директори Агентии назорати маводи нашъаовари назди Президенти Ҷумҳурии Тоҷикистон Ҳабибулло Воҳидзода бо роҳбари Раёсати мубориза бо муомилоти маводи мухаддири Давлати Қатар Аҳмад Ал-Кувари ва сардори Департаменти мубориза бо маводи мухаддир ва ҷиноятҳои муташаккили Прокуратураи генералии Ҷумҳурии Корея хонум Ким Босенг мулоқот анҷом дод. Дар ин хусус АМИТ «Ховар» бо истинод ба Агентии назорати маводи нашъаовар иттилоъ медиҳад.
Зимни мулоқот бо ҳайати Қатар директори Агентӣ оид ба вазъи маводи нашъаовар дар Ҷумҳурии Тоҷикистон, тадбирҳои андешидаи мақомоти ҳифзи ҳуқуқи мамлакат дар ин самт, мушкилоти қочоқи маводи мухаддир аз Афғонистон маълумот манзур намуд.
Ҷонибҳо ҷиҳати пурзӯр намудани муқовимат бо муомилоти ғайриқонунии маводи нашъаовар ва таҳкими ҳамкории дуҷонибаи судманд ба имзо расонидани лоиҳаи нави созишномаи ҳамкории дуҷонибаро ба мақсад мувофиқ шумориданд.
Ҳамчунин дар мулоқот бо ҳайати Ҷумҳурии Корея тарафҳо вазъи муомилоти ғайриқонунии маводи нашъаоварро дар минтақа ва ҷаҳон ташвишовар баҳо дода, хоҳони рушди ҳамкории мутақобилан судманд шуданд.
Ҷониби Корея тазаккур дод, ки баҳри вусъат бахшидани ҳамкорӣ дар самти муқовимат бо муомилоти ғайриқонунии маводи нашъадор, мубориза бо қочоқи маводи мухаддир, назорати маводи нашъаовар ва пешгирии нашъамандӣ, баргузории амалиёти муштараки зиддимухаддиротӣ бо мақомоти ҳифзи ҳуқуқ, бахусус бо Агентӣ тадбирҳои зарурӣ меандешад ва дар оянда дар барномаҳои соҳавӣ татбиқи чорабиниҳои мушаххасро бо Агентӣ пешбинӣ менамояд.
Ёдовар мешавем, ки ҳайати Тоҷикистон таҳти роҳбарии Директори Агентии назорати маводи нашъаовари назди Президенти Ҷумҳурии Тоҷикистон Ҳабибулло Воҳидзода ҷиҳати иштирок дар иҷлосияи 66-уми Комиссияи СММ оид ба маводи нашъаовар дар шаҳри Венаи Австрия қарор дорад.
АКС: Агентии назорати маводи нашъаовари назди Президенти Ҷумҳурии Тоҷикистон
ДАЪВАТИ ТИРАМОҲӢ. Нақшаи даъват ба хизмати ҳарбӣ дар ноҳияи Зафаробод пеш аз муҳлат иҷро гардид
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
