БАХШИДА БА РӮЗИ МАТБУОТИ ТОҶИК. Дар назди Донишгоҳи давлатии Хуҷанд маркази медиажурналистика ва рушди расонаҳои нав ифтитоҳ ёфт
ДУШАНБЕ, 10.03.2023 /АМИТ «Ховар»/. Бахшида ба Рӯзи матбуоти тоҷик дар назди Донишгоҳи давлатии Хуҷанд ба номи Бобоҷон Ғафуров Маркази медиажурналистика ва рушди расонаҳои нав ифтитоҳ ёфт. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Ин ташаббус дар раванди иттилоотӣ-таҳлилии фаъолияти донишгоҳи мазкур рӯйдоди нек маҳсуб мешавад. Маросими ифтитоҳи Марказ бо иштироки роҳбарияти донишгоҳ, масъулини раёсат, собиқадорони соҳа ва намояндагони воситаҳои ахбори омма доир карда шуд.
Зимни ифтитоҳи он таъкид карда шуд, ки Маркази мазкур ҷиҳати татбиқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти тарбияи кадрҳои лаёқатманди соҳаи медиажурналистика ва бо назардошти рушди устувори расонаҳои хабарӣ дар назди донишгоҳ таъсис дода шуд.
Маркази медиажурналистика ва рушди расонаҳои нав ҷиҳати ташкилу пешбурди маркази илмӣ-таълимӣ, ки ба даъватҳои муосир дар соҳаи журналистика ҷавобгӯ хоҳад буд, заминаи мусоид фароҳам меорад. Мақсади таъсис ва фаъолияти марказ- ин огоҳ кардан ва омӯзонидани навтарин майлонҳои расонаӣ ба журналистони оянда мебошад. Марказ дар баробари пешбурди корҳои таълимӣ, инчунин корҳои пажӯҳиши илмиро дар соҳаи рӯзноманигории рақамӣ ва расонаҳои нав анҷом медиҳад, ки бешак, ба даъватҳои муосир дар соҳаи журналистика ҷавобгӯ хоҳад буд.
Собиқадорони соҳаи матбуот ифтитоҳи маркази мазкурро дастоварди наҷиб унвон намуда, таъкид доштанд, ки фаъолияти самараноки он ба тарбияи кадрҳои лаёқатманди соҳаи рӯзноманигории рақамӣ ва расонаҳои нав саҳми муассир мегузорад.
Имрӯз, 10 март бахшида ба Рӯзи матбуот дар вилояти Суғд ҷаласаи тантанавӣ доир гардида, ба як зумра кормандони воситаҳои ахбори омма Сипосномаи Мақомоти иҷроияи ҳокимияти давлатии вилоят супорида мешавад.
Бояд гуфт, ки дар доираи барномаҳо бахшида ба Рӯзи матбуоти тоҷик дар вилояти Суғд як зумра собиқадорони меҳнат боздид карда шуда, туҳфаҳои идонаи Раиси вилоят ба онҳо расонида шуд. Барои собиқадорони соҳаи матбуот бо дастгирии роҳбарияти вилоят 31 ҳазору 500 сомонӣ маблағ ҷудо гардида, ба 63 нафар супорида шуд.
АКС: Хадамоти матбуоти Раиси вилояти Суғд
Дар доираи Форуми сеюми байналмилалии ректорони донишгоҳҳои Тоҷикистон ва Беларус 25 созишномаи нави ҳамкорӣ ба имзо расид
Байни Донишгоҳи давлатии ҳуқуқ, бизнес ва сиёсати Тоҷикистон ва Донишгоҳи Русия-Беларус шартномаи ҳамкорӣ ба имзо расид
Байни Донишгоҳи техникии Тоҷикистон ва муассисаҳои таҳсилоти олии касбии Беларус созишномаи ҳамкорӣ ба имзо расид
Дар Душанбе Форуми ректорони муассисаҳои таҳсилоти олии касбии Тоҷикистон ва Беларус оғоз шуд
Дар деҳаи Корвони шаҳри Ваҳдат бинои нави муссисаи таълимӣ ба истифода дода шуд
НАМУНАИ ИБРАТ. Заҳмати модар Фараҳбахши нобиноро ғолиби Озмуни ҷумҳуриявии «Фурӯғи субҳи доноӣ китоб аст» гардонид
Дар ноҳияи Балҷувон иншооти нави соҳаи маориф бунёд гардид
Вобаста ба ҳуқуқи меҳнат ва истифодаи меъёрҳои байналмилалии меҳнат вохӯрии минтақавии шарикони рушд доир шуд
Донишгоҳи байналмилалии сайёҳӣ ва соҳибкории Тоҷикистон ва Донишгоҳи Чиндао Бинҳайи Чин Созишномаи ҳамкорӣ ба имзо расониданд
4 нафар довталабони Озмуни ҷумҳуриявии «Фурӯғи субҳи доноӣ китоб аст» сазовори «Шоҳҷоиза»-и озмун гардиданд
Имрӯз ба ғолибони Озмуни ҷумҳуриявии «Фурӯғи субҳи доноӣ китоб аст» ҷоизаҳо супорида шуданд
Имрӯз маросими ҷоизасупории Озмуни ҷумҳуриявии «Фурӯғи субҳи доноӣ китоб аст» баргузор мегардад
