«БОЗИҲОИ МИЛЛӢ». Дар Суғд дар арафаи Иди Наврӯз даври вилоятии ин озмун баргузор гардид

Март 13, 2023 15:50

ДУШАНБЕ, 13.03.2023. /АМИТ «Ховар»/. Дар варзишгоҳи «Хуррамшаҳр»-и Донишгоҳи давлатии Хуҷанд ба номи академик Бобоҷон Ғафуров бахшида ба Иди байналмилалии Наврўз даври вилоятии озмуни «Бозиҳои миллӣ» баргузор гардид, ки дар он хонандагони 15 шаҳру ноҳияи вилоят иштирок намуданд. Дар ин хусус ба АМИТ «Ховар» дар Раёсати маорифи вилояти Суғд хабар доданд.

Тавре масъулин иброз доштанд,  «намудҳои бозиҳои миллӣ, ки   то ин замон  дар байни сокинони шаҳру ноҳияҳои вилоят маҳфуз мондаанд, хеле бисёранд. Мо барои ин озмун 8 намуди  онро, ки  дар вилояти Суғд бо номҳои «лаклакпарронӣ», «бодбаракбозӣ», «чиллакбозӣ», «ланкабозӣ», «арғамчинбозӣ», «лакпар» ва  «ҳаппакбозӣ» маъруф ҳастанд, интихоб кардем. Аз ин намудҳо «арғамчинбозӣ», «лакпар» ва «ҳаппакбозӣ» хосси духтарон мебошанд».

Дар ин озмуни варзишӣ хонандагони муассисаҳои таълимии шаҳрҳои Хуҷанд, Гулистон, Бӯстон, Истиқлол, Истаравшан, Исфара, Конибодом ва ноҳияҳои Бобоҷон Ғафуров, Деваштич, Шаҳристон, Зафаробод, Ашт, Мастчоҳ, Спитамен ва Ҷаббор Расулов иштирок намуданд.

Дар  ҷамъбасти озмун ғолибон ва иштирокчиёни фаъол бо «Диплом», «Сипоснома»  ва туҳфаҳои хотиравӣ қадрдонӣ карда шуданд.

Ёдовар мешавем, ки Озмуни вилоятии «Бозиҳои миллӣ»  беш аз 21 сол аст, ки бо корбарии Маркази таҳсилоти иловагии Суғд ташкил карда мешавад.

Озмуни мазкур бо мақсади эҳё намудани бозиҳои миллӣ, дар дили хонандагон тарбия намудани эҳтиром нисбат ба анъанаҳои тоҷикӣ, ташвиқоту тарғиботи анъанаҳои бойи ниёгон ва  ботантана ҷашн гирифтани Наврӯзи байналмилалӣ доир гардид.

АКС: Раёсати маорифи вилояти Суғд

Март 13, 2023 15:50

Хабарҳои дигари ин бахш

Намояндагони Тоҷикистон бо ҷавонону варзишгарони тоҷики муқими шаҳри Қазон вохӯрӣ намуданд
«ҶОМИ РУШД-2024». Иштироки дастаи мунтахаби наврасони Тоҷикистон (U-16) дар ин мусобиқа ба анҷом расид
ФУТБОЛ. Шаҳром Самиев фаъолияташро дар дастаи «Андиҷон»-и Узбекистон идома медиҳад
TASHKENT GRAND SLAM 2024 . Тоҷикистонро дар ин мусобиқа 15 варзишгар намояндагӣ мекунад
Ҷавонони Донишгоҳи давлатии Хуҷанд пешниҳоди Рӯзи ҷаҳонии футболро ҷонибдорӣ менамоянд
Дар Теҳрон ҷаласаи Гурӯҳи кории махсус оид ба мусоидат ба сармоягузории давлатҳои аъзои Созмони ҳамкории Шанхай доир гардид
Дар Хатлон Шурои вилоятии мутобиқсозию методӣ оид ба таълим ва тарбияи ҳуқуқии шаҳрвандон баргузор шуд
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Ҷаласаи байниидоравӣ оид ба таҳия ва пешниҳоди Барномаи миллӣ оид ба барҳамдиҳии шаклҳои бадтарини меҳнати кӯдакон дар Тоҷикистон доир гардид
МАСЛИҲАТИ МУТАХАССИС. Саидалӣ Гулов: «Дар ҳавои сард набояд корҳои башаклдарорӣ ва буриши дарахтон анҷом дода шаванд»
Дар Парлумони Тоҷикистон бо ҳайати Ҳизби Коммунистии Чин мулоқот баргузор шуд
Ба Пешвои миллат Эмомалӣ Раҳмон аз ҷониби Раиси шаҳри Душанбе Рустами Эмомалӣ лоиҳаҳои навсозии минбаъдаи пойтахт муаррифӣ гардиданд