Дар Душанбе оид ба давлатдории миллӣ ҳамоиши иттилоотию маърифатӣ баргузор гардид
ДУШАНБЕ, 14.03.2023. /АМИТ «Ховар»/. «Давлатдории миллӣ ва нақши ҳаётии он дар сарнавишти таърихии тоҷикон» — таҳти чунин унвон имрӯз бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Ташкилоти ҷамъиятии «Пайравони Пешвои миллат» дар Академияи идоракунии давлатии назди Президенти Ҷумҳурии Тоҷикистон аз ҷониби маҳфили «Сиёсатшиносони ҷавон» нахустмаҳфили иттилоотию маърифатӣ баргузор гардид, хабар доданд ба АМИТ «Ховар» дар Кумитаи кор бо ҷавонон ва варзиш.
Зимни он гуфта шуд, ки ҳадаф аз таъсиси маҳфили «Сиёсатшиносони ҷавон» ва ташкили чунин ҳамоиши иттилоотию маърифатӣ он аст, ки ҷавонони сиёсатдӯст ва ватанпараст дастгирӣ ёфта, ба воситаи ин гуна чорабиниҳо дониши сиёсии онҳо баланд бардошта шавад. Зеро ояндаи дурахшони Тоҷикистон маҳз бо донишҳои сиёсӣ ва навоварӣ ободтару рангинтар мегардад.
Иштирокдорон иброз доштанд, ки дар Тоҷикистон бо мақсади баланд бардоштани ҳувияту ватандӯстии ҷавонон «Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2022 – 2026» ва «Барномаи давлатии тарбияи ватандӯстӣ ва таҳкими ҳувияти миллии ҷавонони Тоҷикистон барои солҳои 2023 – 2027» таҳия ва қабул гардидааст. Қабули ин барномаҳо аз таваҷҷуҳи хоссаи роҳбарияти давлат нисбат ба ҷавонон шаҳодат медиҳад.
Таъкид карда шуд, ки бедории андешаи миллӣ омили муҳими таҳкимбахшандаи фарҳанг, забон ва арзишҳои таърихан ташаккулёфтае мебошад, ки ҷомеаро барои муваффақ гаштан дар раванди давлатсозии миллӣ дилпур месозанд.
Дар ҳамоиш гуфта шуд, ки мақсади дигари маҳфил- ин баланд бардоштани сатҳи дониши сиёсии ҷавонон, арҷ гузоштан ба арзишҳои миллӣ ва манфиатҳои давлатӣ, таҳкими худшиносӣ ва худогоҳӣ, мусоидат ба таъмини амнияти миллӣ, огоҳ сохтани ҷавонон аз таҳдиду хатарҳои ҷаҳонӣ ва баланд бардоштани ҳисси ватандӯстии онҳо мебошад.
Дар анҷоми ҳамоиш аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба меҳмонон сипоснома ва туҳфаҳои хотиравӣ тақдим гардид.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар Тоҷикистон Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ идома дорад
Сокинони ноҳияи Мастчоҳ ҷашни Наврӯзро бо тантана истиқбол гирифтанд
23 МАРТ — РӮЗИ ҶАҲОНИИ ОБУҲАВОШИНОСӢ. Ҳавошиносони Тоҷикистон барои пешгӯии боду ҳаво аз моделҳои пешрафта истифода мебаранд
Эмомалӣ Раҳмон: «Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад»
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ доир мешавад
АНДАР ШИНОХТИ НАВРӮЗ. Мулоҳизаҳои академик Фарҳод Раҳимӣ дар бораи аҳамияти ин ҷашни бостонӣ
Эмомалӣ Раҳмон: «Соҳиби илму маърифат будан яке аз фазилатҳои бузурги инсонӣ аст»
Эмомалӣ Раҳмон: «Риояи сарфаю сариштакорӣ одоби баргузории ҳар гуна иду маросим мебошад»
Эмомалӣ Раҳмон: «Иди Фитр, ҷашни Наврӯз ва дигар ойинҳои милливу эътиқодӣ маҳз ба шарофати Истиқлоли давлатӣ эҳё гардиданд»
