Дар Маркази омӯзиши пиряхҳо бо хонандагони муассисаҳои таълимӣ ҳамоиши омӯзишӣ доир шуд

Март 20, 2023 16:54

ДУШАНБЕ, 20.03.2023 /АМИТ «Ховар»/. Дар Маркази омӯзиши пиряхҳои Академияи миллии илмҳои Тоҷикистон бо хонандагони муассисаҳои таҳсилоти миёнаи умумӣ ҳамоиши омӯзишӣ доир карда шуд. Дар ин хусус АМИТ «Ховар» бо истинод ба Маркази омӯзиши пиряхҳо хабар медиҳад.

Ҳамоиш бо ташаббуси Анҷумани «Занони пиряхшинос»-и марказ оид ба баланд бардоштани савияи дониши мактаббачаҳо вобаста ба Соли байналмилалии ҳифзи пиряхҳо, ки 14 декабр дар Маҷмаи Умумии Созмони Милали Муттаҳид зимни иҷлосияи 77-ум қатънома қабул гардид, ташкил карда шуд.

Дар ҳамоиш иброз гардид, ки ин яке аз қатъномаҳои нодир ба ҳисоб рафта, дар он ҳам эълони Рӯзи байналмилалӣ ва ҳам Соли байналмилалӣ дарҷ гардидааст.

Гуфта шуд, ки яке аз ҳадафҳои меҳварии пешниҳоди ташаббусҳои беназир аз ҷониби Президенти Ҷумҳурии Тоҷикистон муҳтарам Эмомалӣ Раҳмон вобаста ба масъалаҳои байналмилалии ҳифзи пиряхҳо- наҷоти инсоният ва ҳамзамон баланд бардоштани нуфузи ҷумҳурӣ дар арсаи ҷаҳонӣ мебошад. Мояи ифтихор аст, ки дар асоси ин қатънома пешниҳодҳои ироашудаи Президенти ҷумҳурӣ аз ҷониби давлатҳои узви СММ дастгирӣ ёфт.

Хонандагон бо фаъолият ва кори Маркази омӯзиши пиряхҳо аз наздик шинос шуда, сипас филми «Саёҳат ба Антарктида»-ро доир аввалин шахсе, ки Парчами Тоҷикистонро дар Антарктида барафрохт, тамошо намуданд.

Бо хонандагон оид ба тавсифи умумии пиряхҳо, тағйирёбии иқлим ва ҳифзи пиряхҳо машғулияти омӯзишӣ гузаронида шуда, доир ба ин масъалаҳо викторина гузаронида шуд ва ҳамаи иштирокчиён дар он фаъолона иштирок намуданд.

Бояд гуфт, ки Анҷумани «Занони пиряхшинос» дар Маркази омӯзиши пиряхҳо соли 2018 бо мақсади фароҳам овардани шароити мусоид барои баланд бардоштани нақши занон дар омӯзиши пиряхҳо таъсис дода шудааст.

Мақсади асосии анҷуман- ин фароҳам овардани шароити мусоид барои иштироки фаъолонаи занон дар таҳқиқоти илмӣ ва бунёдии омӯзиши пиряхҳо, ҷалби занон ба омӯзиши пиряхҳо, сайқал додани дониш ва малакаи занон оид ба гузаронидани таҳқиқоти илмӣ-бунёдӣ, ҳамкорӣ бо олимони хориҷӣ оид ба самти омӯзиши пиряхҳо ва аз рӯи натиҷаҳои таҳқиқоти илмӣ нашр кардани китоб, монография ва маҷмӯаи мақолаҳои илмӣ мебошад.

Ҳоло дар тамоми ҷаҳон гармшавии глобалӣ ба пиряхҳо таъсири манфӣ мерасонад. Ба ин хотир, муҳаққиқон ва олимон талош доранд, то роҳи муҳофизати онҳоро пайдо намоянд. Мунтазам анҷом додани экспедитсияҳои илмӣ-омӯзишӣ оид ба омӯзиши пиряхҳо аз тарафи кормандони Маркази омӯзиши пиряхҳо ва ба таври куллӣ бо иштироки занон мавриди пажӯҳиш қарор додани пиряхҳо ба манфиати кор аст.

Ассотсиатсияи «Занони пиряхшинос» дар баробари мардон дар экспедитсияҳои байналмилалию дохили ҷумҳурӣ иштирок дорад.

Тибқи нақшаи кории марказ, соли 2022 12 экспедитсияи илмӣ- омӯзишӣ гузаронида шуд, ки 4 маротибаи он бо иштироки занон доир гардидааст. Мақсади он ба даст овардани маълумот доир ба ҳолати пиряхҳо, қабати барф, миқдори изотопҳо ва дигар микроэлементҳо буд.

Аз аввали соли 2023 аллакай 2 маротиба занон дар экспедитсияҳои илмӣ — омӯзишӣ иштирок намуданд. Зимни он ҳолати қабати барф, фаромадани тармаҳо, ҷамъоварӣ ва таҳлил намудани об ва дигар микроэлементҳои химиявӣ мавриди омӯзиш қарор дода шуд.

АКС: Маркази омӯзиши пиряхҳои Академияи миллии илмҳои Тоҷикистон

Март 20, 2023 16:54

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
Ҳангоми истифодаи хабару маводи сомона истинод ба www.khovar.tj ҳатмӣ аст!
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад