Муовини Сарвазири Ҷумҳурии Тоҷикистон бо ҳайати мудирони EBRD масъалаи ҳамкории дуҷонибаро баррасӣ намуд
ДУШАНБЕ, 07.03.2023. /АМИТ «Ховар»/. 3 март ҳайати Ҷумҳурии Тоҷикистон бо роҳбарии муовини Сарвазир Усмоналӣ Усмонзода дар доираи иштирок дар Анҷумани тиҷоратии Бонки ҷаҳонӣ дар шаҳри Лондон бо ҳайати мудирони Бонки аврупоии таҷдид ва рушд (EBRD) мулоқот намуданд. Дар ин хусус ба АМИТ «Ховар» дар Вазорати корҳои хориҷии мамлакат хабар доданд.
Ба иттилои манбаъ, ҳайати Тоҷикистон бо ҳайати мудирони Бонки аврупоии таҷдид ва рушд (EBRD) — мудири бахши энергетика Аида Сиддиқова, мудир оид ба бахши шаҳрдорӣ Екатерина Мирошник, мудир оид ба намунаи корҳо (портфел) Наталя Ханженкова, мудири минтақавӣ оид ба Қирғизистон, Тоҷикистон ва Туркманистон Айтен Рустамова ва бонкдор оид ба энергетика Вероника Кракович мулоқот анҷом доданд.
Дар ҷараёни вохӯриҳо ҷонибҳо доираи васеи масъалаҳои ҳамкории дуҷонибаи Тоҷикистон ва Бонки аврупоии таҷдид ва рушдро бо таваҷҷуҳ ба самтҳои афзалиятноки ҳамкорӣ мавриди баррасӣ қарор дода, роҷеъ ба дурнамои рушди онҳо табодули афкор намуданд.
Ҳамчунин зимни мулоқот ҷонибҳо созишномаи ҳамкории такмили фаъолияти «Тоҷикаэронавигатсия»-ро имзо намуданд.
АКС: Вазорати корҳои хориҷии Ҷумҳурии Тоҷикистон
ИСТИФОДАИ САМАРАНОКИ ЗАМИН. Дар Панҷакент дар 3900 гектар картошка кишт карда мешавад
ИСТИФОДАИ САМАРАНОКИ ЗАМИН. Аъзои хоҷагии деҳқонии «Давлат» тавассути меҳнати ҳалол хароҷоти оиларо пурра таъмин менамоянд
ИМРӮЗ — РӮЗИ КОРМАНДОНИ МАҚОМОТИ АНДОЗ. Нақшаи андозҳо ва дигар пардохтҳои ҳатмӣ ба андозаи 111,9 фоиз таъмин гардид
Дар Ашт навъҳои тухмии пунбадонаи мутобиқ ба тағйирёбии иқлимро кишт намуданд
Дар Донишгоҳи давлатии молия ва иқтисоди Тоҷикистон озмуни «Беҳтарин донандаи Кодекси андоз» баргузор шуд
Тоҷикистон ва Туркманистон ҳаҷми гардиши савдо, боркашонӣ ва транзити молҳоро афзоиш медиҳанд
Дар Норак фестивал ва Форуми «Саводнокии молиявӣ» баргузор гардид
Назорат ва пешгирии коррупсия дар соҳаи энергетика тақвият меёбад
Ҳамкории Тоҷикистон ва Узбекистон дар бахши радиомониторинг тақвият меёбад
Тоҷикистон ва Покистон ҳамкориро дар соҳаи ҳамлу нақл тавсеа мебахшанд
Дар Душанбе Форуми байналмилалии сармоягузории «Душанбе Инвест-2025» гузаронида мешавад
Бо татбиқи лоиҳаи «Таъсиси кластери нассоҷии гурӯҳи ширкатҳо дар Ҷумҳурии Тоҷикистон» беш аз 5500 нафар бо кор таъмин мегарданд
