Намояндагони Тоҷикистон дар Симпозиуми гуногунии биологӣ дар Чин иштирок менамоянд

Март 17, 2023 18:39

ДУШАНБЕ, 17.03.2023 /АМИТ «Ховар»/. Намонядагони Тоҷикистон дар Симпозиуми байналмилалии «Гуногунии биологӣ ва истифодаи устувори он дар Осиё», ки 18 март дар шаҳри Урумчии Ҷумҳурии Мардумии Чин баргузор мешавад, иштирок менамоянд, хабар медиҳад АМИТ «Ховар».

Дар Симпозиуми мазкур гурӯҳи биологҳои Тоҷикистон аз Академияи миллии илмҳои Тоҷикистон иштирок намуда, роҳбари гурўҳ дар мавзуи «Гуногунии олами наботот ва ҳайвоноти Тоҷикистон ва қонунияти экологию ҷуғрофии паҳншавии онҳо дар минтақаи кӯҳсори Помиру Олой ва истифодаи устувори захираҳои табии онҳо» маъруза хоҳад кард.

Олимони тоҷик доир ба ҷабҳаҳои гуногуни олами наботот ва ҳайвоноти ҷумҳурӣ, таъсири омилҳои антропогенӣ ва оқибатҳои тағйирёбии саросари иқлим ба сӯи гармшавии ҳарорат ва усулҳои илмии ҳифз ва истифодаи устувори онҳо маъруза менамоянд.

Тавре изҳор гардид, олами набототу ҳайвоноти ҷумҳурии кӯҳсорамон- Тоҷикистон аз ҷиҳати гуногуннамудӣ ва гуногуншаклии экосистемаҳои табиӣ ва пайдоишу ташаккули ҷамоаҳои мухталифи биологии онҳо дар байни давлатҳои ҳаммарз ҳамто надорад. Миқдори намудҳои эндемикии растаниҳо ва ҳайвонот зиёда аз 2000 номгӯйро ташкил медиҳад, ки ин бойигарии бебаҳои табиати зиндаи ҷумҳуриамон аст.

Маҷмӯи олами наботот ва ҳайвоноти Тоҷикистон дар бунёд, ташаккул ва танзими даҳҳо экосистемаҳои табиӣ аз ҳамвории ҷануби мамлакат сар карда, фарогир то баландкӯҳҳои он нақши бунёдӣ мебозад. Мавҷудият, мувозинат ва беҳдошти экосистемаҳои табиӣ ва захираи олами набототу ҳайвонот асоси инкишофи устувори ҳар як давлатро ташкил медиҳад. Устувории экосистемаҳо ба гуногунии олами наботот ва ҳайвонот муносибати мусбат дорад. Яъне ҳангоми зиёд будани гуногунии намудҳо устувории экосистемаҳо меафзояд ва баръакс.

Ҳамчунин тағйирёбии саросарии иқлим ва мунтазам баланд гардидани ҳарорат дар кураи Замин дар 50 соли охир ба хушксолиҳо ва зиёд шудани майдонҳои биёбонию нимбиёбонӣ, аз байн рафтани пиряхҳои хурд, хушк шудани дарёчаю чашмаҳои кӯҳсор ва дар баъзе мавридҳо иваз шудани муҳити зист, аз байн рафтани намудҳои зиёди растанӣ ва ҳайвонот ва дар охир ба коста шудани даҳҳо экосистемаҳо оварда расонд. Таъсири оқибатҳои гармшавии иқлим бештар дар мамлакатҳои Осиё ва Африқо, ки майдонҳои васеи биёбонию нимбиёбонӣ доранд, мушоҳида карда мешавад.

Дар барнома ва рӯзномаи ҷаласаҳои Симпозиуми байналмилалӣ доир ба гуногунии биологию экосистемаҳо ва истифодаи устувори захираҳои онҳо сухан меравад.

АКС: Академияи миллии илмҳои Тоҷикистон

Март 17, 2023 18:39

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Ҳангоми истифодаи хабару маводи сомона истинод ба www.khovar.tj ҳатмӣ аст!
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад