Намояндаи Тоҷикистон дар чорабинии канории Маркази минтақавии ҳамоҳангсозии иттилоотии Осиёи Марказӣ иштирок кард
ДУШАНБЕ, 15.03.2023 /АМИТ «Ховар»/. 14 март дар шаҳри Венаи Австрия дар ҳошияи иҷлосияи 66-уми Комиссияи Созмони Милали Муттаҳид (СММ) оид ба маводи нашъаовар Директори Агентии назорати маводи нашъаовари назди Президенти Ҷумҳурии Тоҷикистон Ҳабибулло Воҳидзода дар чорабинии канории Маркази минтақавии ҳамоҳангсозии иттилоотии Осиёи Марказӣ оид ба мубориза бо муомилоти ғайриқонунии воситаҳои нашъадор, моддаҳои психотропӣ ва прекурсорҳои онҳо иштирок намуд. Дар ин хусус АМИТ «Ховар» бо истинод ба Агентии назорати маводи нашъаовар хабар медиҳад.
Чорабинии канории мазкур дар мавзӯи «Ташаббусҳо, дастовардҳо ва нақшаҳои Маркази минтақавии ҳамоҳангсозии иттилоотии Осиёи Марказӣ оид ба мубориза бо муомилоти ғайриқонунии воситаҳои нашъадор, моддаҳои психотропӣ ва прекурсорҳои онҳо» баргузор гардида, дар кори он Намояндаи минтақавии Раёсати СММ оид ба маводи нашъаовар ва ҷинояткорӣ хонум Ашита Миталл, роҳбарон ва намояндагони мақомоти ваколатдор ва вазоратҳои хориҷии давлатҳои иштирокчӣ, давлатҳои нозир, ҳайатҳои созмонҳои байналмилалӣ ва дигарон иштирок ва суханронӣ намуданд.
Чорабинии мазкурро Директори Маркази минтақавии ҳамоҳангсозии иттилоотии Осиёи Марказӣ оид ба мубориза бо муомилоти ғайриқонунии воситаҳои нашъадор, моддаҳои психотропӣ ва прекурсорҳои онҳо Атагелди Язлиев бо сухани ифтитоҳӣ оғоз намуда, аз ҷумла иброз намуд, ки Марказ вазифаҳои ба зимма доштаашро дар самти муқовимат бо гурӯҳҳои ҷиноятии фаромиллӣ иҷро менамояд.
Ҳамчунин вобаста ба фаъолияти Марказ навор намоиш дода шуда, дар мавзӯи ташаббусҳо, дастовардҳо ва нақшаҳои ин ниҳод рӯнамо пешниҳод карда шуд.
Директори Агентӣ зимни суханронӣ таъкид намуд, ки Тоҷикистон ба ҳамкорӣ бо Марказ таваҷҷуҳи махсус зоҳир мекунад, зеро ҳамкории судманд бо мақомоти ваколатдори давлатҳои минтақа ва созмонҳои байналмилалӣ таъсири мусбати худро ба назорати маводи нашъаовар ва татбиқи барномаю стратегияҳои зиддимухаддиротии миллӣ мерасонад.
Ёдовар мешавем, ки ҳайати Тоҷикистон таҳти роҳбарии Директори Агентии назорати маводи нашъаовари назди Президенти Ҷумҳурии Тоҷикистон Ҳабибулло Воҳидзода ҷиҳати иштирок дар иҷлосияи 66-уми Комиссияи СММ оид ба маводи нашъаовар дар шаҳри Венаи Австрия қарор дорад.
АКС: Агентии назорати маводи нашъаовари назди Президенти Ҷумҳурии Тоҷикистон
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
Дабири кулли САҲА Фаридун Синирлиоғлу саҳми Президенти Тоҷикистон Эмомалӣ Раҳмонро дар таҳкими суботи минтақавӣ баланд арзёбӣ намуд
